Velocidá radial

La velocidá radial ye la velocidá d'un oxetu a lo llargo de la llinia visual del observador. Esto ye la componente de la velocidá cola que l'oxetu s'avera  (Corrimientu al azul) o alloña (Corrimientu al bermeyu) del observador, magar que nun se mueva exautamente en direición de choque col observador. Ye perpendicular a la velocidá tresversal del oxetu.

La velocidá V(t) d'un oxetu na posición x(t) pue descomponese nuna componente radial VR(t), y una tresversal VT(t), que dependen de la posición del observador.

Un planeta abondo masivu puede alteriar la órbita de la so estrella, de manera medible per aciu de la so velocidá radial.

La velocidá radial d'una estrella o otros oxetos lluminosos pero distantes puen midise con precisión, tomando una alta resolución del espectru y comparando les midíes de llonxitú d'onda de conocíes llinies espectrales con llonxitú d'onda a partir de midíes feches nun llaboratoriu. Por convención, una velocidá radial positiva indica que l'oxetu allóñase, y si'l signu ye negativu, entós l'oxetu avérase.

Velocidá radial tables comparatives

El métodu de velocidá radial pa detectar exoplanetes básase na deteición de les variaciones na velocidá de la estrella central, debío al cambéu de direición de la fuercia gravitacional d'un exoplaneta (non visible) a midida que orbita la estrella. Cuando la estrella se mueve escontra nós, el so espectru muévese al azul ente que se mueve hacia'l bermeyu cuando s'allonxa de nós. Mirando regularmente l'espectru d'una estrella - y asina, midiendo la so velocidá - puede vese si muévese dacuando por cuenta de la influencia d'un compañeru.

Masa del Planeta	Distancia AU	Velocidá radial
Xúpiter	1	28,4 m/s
Xúpiter	5	12,7 m/s
Neptunu	0,1	4,8 m/s
Neptunu	1	1,5 m/s
Súper-Tierra (5 M⊕)	0,1	1,4 m/s
Súper-Tierra (5 M⊕)	1	0,45 m/s
Tierra	1	9 cm/s

Ver tamién

• Efeutu Doppler
• Espectroscopía Doppler
• Planetes estrasolares

Referencies

• Datos: Q240105
• Multimedia: Spectroscopic radial velocity