Vetu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La pallabra vetu vien del llatín y significa lliteralmente [yo] prohíbo. Emplégase pa denotar qu'una determinada parte tien drechu de parar unillateralmente una llexislación determinada. Un vetu, poro, proporciona poder illimitáu p'aparar cambeos, pero non p'adoptalos.
Nos Estaos Xuníos, el presidente tien la capacidá de vetar la llexislación que pasó pel Congresu, pero esti drechu nun ye absolutu. Una mayoría cualificada de 2/3 de dambes cámares pue aprobar una llei, aínda escontra un vetu presidencial; sicasí, si la llei propuesta namái tien mayoría simple, el vetu del presidente ye decisivu.
Nel Conseyu de Seguranza de la ONX, los cinco miembros permanentes (Estaos Xuníos, Rusia, China, Francia y el Reinu Xuníu) tienen drechu de vetu. Si dalgún d'ellos vota a la escontra d'una propuesta, refúgase, magar que'l restu de 14 miembros votare al favor, lo que ye una muestra del déficit democráticu de la ONX, xunta cola non eleición por votación universal, llibre, direuta y secreta de los miembros del Conceyu Xeneral y del Secretariu Xeneral polos ciudanos de los países democráticos.
Referencies
editarEnllaces esternos
editar
Datos: Q178074
