Abrir el menú principal

W Ursae Majoris (W UMa / HD 83950 / HIP 47727 / SAO 27364)[1] ye una estrella variable de la constelación del sietestrellu, que s'atopa a 162 años lluz del Sistema Solar.

W Ursae Majoris A/B
Constelación Ursa Major
Ascensión reuta α 09h 43min 45,5s
Declinación δ +55º 57’ 09’’
Distancia 162 años lluz
Magnitú visual +7,75 a +8,48
Magnitú absoluta +4,36
Lluminosidá 1,45 / 1 soles
Masa 0,99 / 0,62 soles
Radiu 1,14 / 0,83 soles
Tipu espectral F8Vp / F8Vp
Velocidá radial -46 km/s

W Ursae Majoris ye una binaria de contautu binaria eclipsante de contautu que les sos componentes comparten una capa esterior común y ye el prototipu d'esti tipu de variables, conocíes como variables W Ursae Majoris. Al compartir les capes esteriores les dos estrelles tienen el mesmu tipu espectral, F8Vp, correspondiente a nanes marielles de la secuencia principal similares al Sol. La estrella primaria tien una masa de 0,99 mases solares, un radiu de 1,14 radios solares y una lluminosidá de 1,45 soles. La estrella secundaria tien una masa de 0,62 mases solares, un radiu de 0,83 radios solares y una lluminosidá igual al Sol.

Dambes componentes tienen forma de «gota», cola punta de caúna señalando a la otra estrella.[2] A diferencia de les binaries eclipsantes normales, ye imposible precisar cuando empieza o acaba'l eclís d'una estrella pola otra.[3] Mientres l'eclís de W Ursae Majoris, la magnitú aparente varia ente +7,75 y +8,48 mientres un periodu de 8 hores.

ReferenciesEditar