Wikipedia:Páxines pa borrar

Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redaición o'l formatu, pero si quies camudar coses más importantes ties que consultalo a tola comunidá.

Wikipedia pretende llegar a ser una enciclopedia de calidá y con gran rigor. Poro, tien que cuidar enforma'l so conteníu. Munches veces les contribuciones que se faen na Wikipedia nun son adecuaes pola forma, pol conteníu, pola llicencia, o por cualquier otra cosa. Pa eso, pue solicitase'l borráu del artículu o archivu de dos maneres distintes:

Borráu rápidu: Cuando una aportación ye una violación clara de les normes de la Wikipedia, hai que la eliminar darréu. Esti ye'l casu de copies de páxines con drechos d'autor, de semeyes propietaries, d'insultos... Nestos casos hai que colocar la plantía {{destruir|motivu|~~~~}} y en cuantes qu'un alministrador la vea borrará l'artículu.
Consulta de borráu: Delles veces un artículu nun viola una norma básica, o nun ta mui claro si lo fai. Pa estos casos hai que plantear una votación, pa ver qué opina la comunidá. Les votaciones tienen una duración de 30 díes y nelles namás pueden participar usuarios rexistraos, con una antigüedá de polo menos 1 mes dende la primer contribución y polo menos 100 ediciones n'artículos (esclúyense les ediciones feches n'alderiques). D'esta forma evitamos que se creen usuarios nuevos pa falsificar les votaciones. Pa siguir esti procedimientu, hai que colocar l'avisu de borráu nel artículu, poniendo {{borrar|motivu|~~~~}}. Con esto va apaecer un enllaz pa crear la páxina de votaciones. Entramos ehí y ponemos na nueva páxina {{Consulta borrar|artículu|motivu|~~~~}}. Cuando acabe'l plazu de votación, si les 3/4 partes de los votos son favoratibles al borráu, fadrálo un alministrador. Si non, quitaráse l'avisu de borráu de la páxina y archivárase la votación.