Wikipedia:Quincena a sestaferia

2ª QUINCENA A SESTAFERIA (dende'l día ¿? al ¿? de ¿? de 2008)

¿QUÉ YE?:

La Quincena a sestaferia ye un proyeutu que foi entamáu al envís d'ameyorar, enantar y encadarmar la Wikipedia a lo llargo d'un periodu de quince díes. D'esta miente, lo que se quier ye ufrir y consiguir una mayor calidá del proyeutu d'enciclopedia llibre n'asturianu, faciendo d'ésta una erbía más útil y dexando afitada una ferramienta perbona y afayadiza pal espardimientu del asturianu na rede.

PARTICIPANTES:

Anque se convida a tolos usuarios a collaborar na Sestaferia y nun crear artículos nuevos nesta quincena, estos son los wikipedistes que se comprometieron na xera:

--Vsuarezp 01:17, 26 febreru 2008 (UTC)
--Astur 14:05, 26 febreru 2008 (UTC)
--Frankzalekz Grieska!16:01, 26 febreru 2008 (UTC)
--Jesusito 13:18, 2 marzu 2008 (UTC)

XERES:

Enantar entamos.
Iguar errores ortográficos, de wikificación o de conteníu.
Iguar plantíes y estandarizales colos artículos venceyaos.
Tornar testos d'imáxenes que tean n'otra llingua estremada al asturianu.
Estandarizar el rexistru llingüisticu.
Categorizar y remocicar les páxines de les mesmes.
Añader interwikis.

AVISOS:

Non tolos artículos qu'han ser iguaos a lo llargo de la Quincena a sestaferia apaecen nos enllaces apurríos arriba, polo que ye necesario güeyar categoríes y llistes d'artículos. Exemplu: Non toles plantíes de los países son iguales, ye una cosa a remocicar y nun apaez en nengún enllaz.

Nesta primer edición ye importante procurar nun crear artículos sinón remocicar los yá esistentes.

ENCAMIENTOS:

Poner especial procuru nos artículos de los países, daqué fundamental d'una enciclopedia.
Mirar pola calidá (y veracidá) de los artículos rellacionaos con Asturies.

COMENTARIOS:

Hemos d'afitar cada cuanto tiempu vamos facer estes quincenes, la mio propuesta ye que lo faigamos cada 6-8 meses, amás pente medies d'esos meses podriemos dir faciendo llistes de coses qu'hemos d'iguar na siguiente quincena pa centrar el trabayu d'igua nesos díes y el restu del añu trabayar no que nos preste. Un saludu. --Vsuarezp 01:25, 26 febreru 2008 (UTC)
Perbonu, anque tengo una dúvida ¿n'ésos 6-8 meses non puéu creyar nengún artículu nuéu?.Frankzalekz Grieska!17:43, 26 febreru 2008 (UTC)

Hehehe, si home si, entendistilo mal. Tampocu ye que nun puedas crear nengún demientres la quincena...lo que quería dicir ye qu'a lo llargo del añu pente una quincena a sestaferia y otra lo que podemos dir faciendo ye una llista pa tener la xera preparada pa esos díes. --Vsuarezp 18:18, 26 febreru 2008 (UTC)
Ah!, val. Taría bonu poner tamién los artículos más solicitáos emperu que son entamu nos Cambeos Recientes.Frankzalekz Grieska!18:24, 26 febreru 2008 (UTC)
Nun futuru podriemos facer les quincenes d'una temática determinada, como los "wikiproyectos" de la wiki en castellán, como equí nun tenemos xente abondo pa facer eses coses sedría una bona manera de meyorar temátiques. --Vsuarezp 18:47, 26 febreru 2008 (UTC)

VALORACIÓN DE LA PRIMER QUINCENA:

Bono, abro esti alderique pa ver como valoramos la primer Quincena a sestaferia (QS) y si considerais necesaria una segunda (con data a escoyer). La mio postura ye cenciella, faltenmos usuarios activos y nun sé la manera d'algamar más participación porque cuasi siempre editamos los mesmos. --Vsuarezp 00:27, 26 marzu 2008 (UTC)

Como bien diz vity, finó la sestaferia y falten usuarios activos.... bono, eso paezme que nun vamos ser quien a poder camudalo muncho. Los usuarios unos van, otros queden y otros colen. Pela mio parte, voi siguir faciendo siempre coses. Magar que tea terminada la QS, pémeque ye importante da-yos "cuerpu" y "pesu" a los artículos. Voi siguir adulces colo que taba faciendo... países, llista de los 1000 artículos que toa Wiki tien de tener, les semeyes de commons diaries, la F1, (que me presta bastante y ye namái cada 15 díes...), les efemérides (ye daqué tristayo facer un "páxina al debalu" y alcontrar los años vacios) y tolo que pueda. Si bien ye verdá que los usuarios "de un día" faen a vegaes artículos, los que tamos a diariu, tenemos de tar a los nuestros y tamién a completar p'axeitar los de la xente.... Bono, somos pocos y tocamos a más, pero tenemos un proyeutu que va medrando, y si-y damos calidá, entós, a los güeyos del que venga per primera vegada, igual se-y amuesa más atrautivu y tamién se xune a nós. Calidá y ser más rigurosos a la hora de facer artículos. Una vegada Bar díxome que pa él un artículu nun yera "entamu" si tenía un par de párrafos. Tampoco cuesta muncho! Son un par de párrafos namái. Deberíemos ente nós (sacantes que nun heba muncho que poner...) de cumplir esto... pero bono, caun que faiga lo que puea que de xuru ye abondo y too s'agradez. Un saludu. --Astur 00:53, 26 marzu 2008 (UTC)