Wikipedia:Wikimedia España

Wikimedia España ye una asociación española ensin ánimu de llucru, reconocida pola Fundación Wikimedia como capítulu Wikimedia[1] n'España. El so envís ye promover direuta o indireutamente toles iniciatives de conteníos llibres, como los proyeutos agospiaos y sofitaos pola Wikimedia Foundation, Inc.[2]

Foi aprobada pola Fundación Wikimedia'l 7 de febreru de 2011, inscrita nel Rexistru Nacional d'Asociaciones del Ministeriu del Interior cuatro díes depués y confirmada'l 15 d'abril de 2011.

Wikimedia España ye una entidá xurídica y financieramente independiente de la Fundación Wikimedia, nun agospia los proyeutos, y nun tien derechu dalu d'edición o d'autor sobro ellos. Ta formada por socios de tolos oríxenes, profesiones y edaes; munchos collaboren en Wikipedia y nos proyeutos Wikimedia, y otros remanecen del software llibre o del mundu académicu, mesmo docentes qu'estudiantes.

Ente les sos actividaes ta la impartición de conferencies, talleres o maratones d'edición, los contautos con instituciones pa la cesión de conteníos baxo llicencia llibre o la robla de convenios de collaboración, l'espardimientu y promoción de los proyeutos na prensa, l'atención de consultes sobro llicencies, la organización y participación en concursos, eventos y alcuentros, la coordinación col restu del movimientu Wikimedia, el caltenimientu de los sos recursos n'Internet y dellos llabores alministrativos.

L'asociación ta abierta a socios nuevos y donaciones. Pue alcontrase información sobro les sos actividaes y estaos financieros nos informes añales énte la Fundación Wikimedia o nesl so blog oficial.

Notes y referencies editar

Enllaces esternos editar