Wikipedia n'esperantu

Wikipedia n'esperantu
Nome oficial	Vikipedio en Esperanto
Datos
Inauguración	11 mayu 2001
Dueñu	Fundación Wikimedia
Xestión	Fundación Wikimedia
Idioma	esperantu
Códigu d'idioma en Wikimedia	eo
Sistema d'escritura	alfabetu llatín
	Web oficial

La Wikipedia n'esperantu ye una edición de Wikipedia nel idioma esperantu. Entamada en payares de 2001 como la oncena edición de Wikipedia (xunto a la versión n'euskera), esta edición sobrepasó los 40.000 artículos en febreru de 2006, y ye la ventésima wikipedia por númberu d'artículos y la más grande escrita nuna llingua planificada.

Según les estadístiques actuales, de los 28.395 usuarios, 19 son alministradores y 130 wikipedistes contribuyen de forma regular.

Fundación

La wikipedia n'esperantu entamó con 130 artículos provenientes de la Enciklopedio Kalblanda (Enciclopedia de Kalblandia) de Stefano Kalb. El primer artículu creóse'l 15 de payares de 2001 baxo'l títulu Modernismo. El segundo, baxo'l títulu Magnarencia, el arte de saber.

Con posterioridá, incorporóse bastante material de la "Enciclopedia d'Esperanto", una obra de 1934, que recoyía información amplia de la historia del movimientu esperantista hasta esi añu.

Crítiques

Vikipedio el 1ᵘ d'abril de 2012

Munchos han fechu notar que la wikipedia n'esperantu tien carencies especialmente sobre temes científicos. Nel so momentu criticóse que'l usu de dalgunos bots había disparáu la cantidá d'artículos que son meros esbozos sobre rexones o cuerpos celestes. Non obstante, l'usu de robots s'ha restrinxíu muncho na actualidá, especialmente depués del debate ocasionáu pol emplegu masivu de dicha téunica na wikipedia en volapük.

Por otro llau, ye dignu de destacar la calidá n'otros temes, principalmente los rellacionaos con llingüística, historia, aves, asteroides, relixones y la rexón del Cáucasu. Por exemplu, l'artículu n'esperantu sobro la guerra civil española ye menos completu que'l de la versión inglesa o castellana, pero ye similar o inclusive meyor a les versiones n'italianu, holandés, finlandés, suecu o polacu (cinco idiomes mui destacaos nel proyeutu Wikipedia).^[1] Tamién ye mui destacable la cantidá de biografíes sobro autores de lliteratura en castellán.^[2]

Hitos

El 5 d'avientu de 2003 wikipedia n'esperantu llega a los 10.000 artículos.
El 7 de xunetu de 2006 wikipedia n'esperantu llega a los 50.000 artículos.
El 8 de xunetu de 2007 wikipedia n'esperantu llega a los 85.000 artículos.
El 15 de xunetu de 2008 wikipedia n'esperantu llega a los 100.000 artículos.
El 10 d'agostu de 2011 wikipedia n'esperantu llega a los 150.000 artículos.
El 21 de setiembre de 2012 wikipedia n'esperantu llega a los 170.000 artículos.

Referencies

↑ La Blogo.Trenta mil wikitextos
↑ La Blogo.La Wikipedia en Esperanto ha alcanzado los 100.000 artículos

Enllaces esternos

Consulta la edición de Wikipedia en wikipedia n'esperantu.

[1] La Blogo.Trenta mil wikitextos

[2] La Blogo.La Wikipedia en Esperanto ha alcanzado los 100.000 artículos

[1]

[2]