Wolf 940
Wolf 940 (GJ 1263 / LHS 3708 / G 93-35)[7] ye una estrella na constelación d'Acuariu asitiada al sureste de Sadalmelik (α Aquarii), nordeste de Sadalsuud (β Aquarii), sur d'Enif (ε Pegasi) y norte de Deneb Algedi (δ Capricorni). De magnitú aparente +12,70, alcuéntrase a 39,9 años lluz del Sistema Solar. Dende 2009 conozse la esistencia d'una compañera subestelar, una nana marrón, n'órbita alredor d'esta estrella.[8]
Coordenaes: 
21h 46m 40.423s, -0° 10′ 23.772″
Wolf 940 ye una nana colorada de tipu espectral M3.5-4V. Tomando como referencia les estimaciones de RECONS, la masa de Wolf 940 pue ser inferior a una quinta parte de la masa solar, con un diámetru probablemente daqué menor de la metá del diámetru solar.[9] Ye una estrella fría de carauterístiques asemeyaes a Ross 154, Ross 128 o G 99-49, anque s'atopa más alloñada de nós que cualesquier d'elles. La so lluminosidá puede equivalir a un 0,11% de la que tien el Sol. Al nun tar catalogada como estrella acandilante nin como variable polo xeneral, piénsase que la so edá posiblemente ye mayor de 1000 millones d'años.[9]
La estrella conocida más cercana a Wolf 940 ye otra nana colorada, LHS 516, distante 4,2 años lluz. El sistema estelar Deneb Algedi alcuéntrase a 11 años lluz de distancia de Wolf 940.[9]
Compañera subestelar
editarWolf 940 forma un sistema binariu con una nana marrón, denomada Wolf 940 b.[9] En 2009 llogróse una imaxe direuta d'esti oxetu,[10] siendo una de les nanes marrones más fríes detectaes, yá que la so temperatura superficial ye d'aproximao 300 °C. Por cuenta de la so baxa temperatura, apaez como un oxetu brillosu nel infrarroxu pero bien tenue nel espectru visible. La so masa ta entendida ente 20 y 30 vegaes la masa de Xúpiter y el so diámetru ye asemeyáu al d'esti planeta.[8] Al igual que la nana marrón Gliese 229 B, na so superficie ye abondosa'l metanu, tando clasificada como de tipu espectral T8.5. Anguaño ta dixebrada 440 UA de Wolf 940, envalorándose el so periodu orbital en 18.000 años.[9]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ M. Lampón (abril 2018). «The CARMENES search for exoplanets around M dwarfs. High-resolution optical and near-infrared spectroscopy of 324 survey stars» (n'inglés). Astronomy and Astrophysics: páxs. 49–49. doi:.
- ↑ Nicolas Lodieu (xunetu 2009). «Identifying nearby field T dwarfs in the UKIDSS galactic clusters survey» (n'inglés). Monthly Notices of the Royal Astronomical Society (1): páxs. 258–264. doi:.
- ↑ Ignasi Ribas (avientu 2021). «The CARMENES search for exoplanets around M dwarfs. Stellar atmospheric parameters of target stars with SteParSyn». Astronomy and Astrophysics. doi:.
- ↑ María Rosa Zapatero Osorio (mayu 2019). «The CARMENES search for exoplanets around M dwarfs. Different roads to radii and masses of the target stars» (n'inglés). Astronomy and Astrophysics: páxs. 68–68. doi:.
- ↑ LHS 3708 - High proper-motion Star (SIMBAD)
- ↑ 8,0 8,1 UKIRT Astronomers Discover Local Star's Cool Companion. Joint Astronomy Centre
- ↑ 9,0 9,1 9,2 9,3 9,4 Wolf 940 (Solstation)
- ↑ A Cool Dwarf in Aquarius (Gemini Observatory)
