Xeografía d'El Congu
La República d'El Congu atópase na mariña atlántica del centru d'África. Asitiada nel ecuador, con una superficie de 342.000 km², de los cualos 341.500 km² son tierra y 500 km² son agua, llinda al norte cola República Centroafricana (487 km) y Camerún (494 km), al oeste con Gabón (2.567 km), al sur con Angola, al traviés del enclave de Cabinda (231 km), y al sur y al este cola República Democrática d'El Congu (1.229 km).
| Xeografía d'El Congu | ||
|---|---|---|
| Coordenaes | 1°S 15°E / 1°S 15°E | |
| [editar datos en Wikidata] | ||
El país cunta con una relativamente escasa zona mariniega (169 km), na que s'atopa la segunda ciudá más importante del país, Pointe-Noire (663.400 hab. en 2005). Per otra parte, los territorios al norte de Brazaville, la capital (1,5 millones de hab.), atópense apoderaos por amplies estensiones selváticas. Nesti sentíu cabo destacar l'estáu d'Impfondo, l'únicu apoderáu íntegramente pola selva. La ciudá selvática del país más importante ye Ouesso.
El 70 per cientu de la población vive en Brazzaville, en Pointe-Noire o a lo llargo de la vía ferroviaria que les xune.
Relieve
editarLa República del Congo atópase travesada pol ecuador. Una bona parte del país ta formáu per tierres baxes llanes, incluyendo la cuenca del Congo, el valle de Niari y la enllanada costera. La cuenca del Congo ta arrodiada per llombes y pandos, que tamién apaecen n'otros llugares, como'l noroeste y la parte central del país (pandos de Bateké), qu'algamen 800 mm d'altitú. La sierra de Mayombe y los montes Chaillu tamién algamen los 800 m.
Clima
editar
Nel norte del país, el clima d'ecuatorial y les agües tien llugar tol añu, con dos periodos significativamente menos lluviosos d'avientu a febreru y en xunetu. El centru del país ye zona subecuatorial, con dos estaciones más húmedes en marzu-abril y ochobre-payares. El suroeste ye zona tropical húmeda, con una estación de les agües d'ochobre a mayu y una estación seca de xunu a setiembre. Les agües bazcuyen ente los 1.000 mm nes zones más seques, y los 3.000 mm nes zones más húmedes.[1]
Les temperatures son estables mientres l'añu nel norte, con nidios descensos en xunetu y agostu; en Ouésso, con una media añal que bazcuya ente los 21 oC y los 31 oC, cayen 1.590 mm d'agua al añu en 106 díes, con menos precipitaciones ente avientu y febreru. En Pointe-Noire, na zona costera del sur del país, cayen 1.250 mm en 84 díes con un periodu ostensiblemente secu ente xunu y setiembre, y un refrescamientu. En Brazzaville, a 320 m d'altitú, nel sureste, xunto al ríu Congu, cayen 1.343 mm en 85 díes, con un periodu bien secu ente xunu y setiembre y ente 18 y 25 oC de temperatura, contra los 24-30 oC de la dómina húmeda.[2]
Referencies
editar- ↑ «Hydrogeology of Republic of Congo». Earthwise. Consultáu'l 15 de payares de 2017.
- ↑ «Climate-Congo». Climates to travel, World climate guide. Consultáu'l 15 de payares de 2017.
Datos: Q2046858
Multimedia: Geography of the Republic of the Congo
