Xicu Monteserín

Xicu Xabel Monteserín Rodríguez, ñació en Xixón nel 1960. La so familia ye orixinaria de Grandas de Salime y Pezós. Casáu y con dos fíes, ye abogáu y asesor fiscal; aniciando estudios d'economía que nun llegó a finar. Dende mozu participó activamente na vida social, política y cultural asturiana, ocupando estremaos cargos directivos de delles organizaciones. Como poeta ocasional tien espulizaos dellos trabayos, sobre too na revista Lletres Asturianes y en volume "Nuna Caxa d'Àgates" d'Ediciones Asturianes. Ye autor asinamesmo d'otros llibros empobinaos al públicu más xoven, ansí con "Un ermitañu de nome Merlín" y "¿Xugamos a les cosadielles?"foi ganador por dos vegaes del premiu Llectures pa Rapazos, de l'Academia de la Llingua Asturiana; ye igualmente autor d de llibros como "Dellos xuegos infantiles asturianos", o "Florín el pescador de ballenes".

Empobinó na década de los ochenta la revista "Astor", siendo codireutor de la revista "Orbayando, revista asturiana d'información xeneral" Ye miembru, ente otres asociaones, de Xuristes pol Asturianu y la Xunta Pola Defensa la Llingua Asturiana, siendo un activu militante a favor de la normalización social del asturianu y del so reconocimientu oficial

En 2010 espublizó un artículu nel selmanariu Les Noticies baxo'l títulu "El municipalismu como alternativa política", onde apuesta por entamar a facer n'Asturies una rede política cuya cadarma tea sofitada na xera nos conceyos como aniciu de polítiques comprometíes col país y averaes a la realidá más próxima a les necesidaes reales de los ciudadanos.

Na so páxina web xicumonteserin.com amuésase más información.

Referencies

Enllaces esternos

Wikimedia Commons tien conteníu multimedia tocante a Xicu Monteserín.