Xosé Miguel Suárez Fernández

Xosé Miguel Suárez Fernández (1965, Mántaras) ye un escritor en gallegoasturianu y estudiosu de la cultura asturiana. Tamién ye conocíu pol alcuñu del nome del so conceyu, Tapia.

Xosé Miguel Suárez Fernández
Vida
Nacimientu	Mántaras, 1965 (58/59 años)
Nacionalidá	España
Estudios
Estudios	Universidá d'Uviéu
Llingües falaes	asturianu gallegu
Oficiu	escritor, traductor

Nació en Mántaras (Tapia) en 1965. Diplomáu en Maxisteriu, y llicenciáu n'Historia y en Filoloxía Hispánica, too ello pola Universidá d'Uviéu. Tien publicaos bien d'artículos sobre cuestiones d'etnografía, toponimia, dialeutoloxía y lliteratura.

Nel añu 1989 ganó'l premiu al meyor trabayu de recoyida oral de léxicu de l'Academia de la Llingua Asturiana. Vien andechando, del mesmu mou, en numberoses revistes, como Lletres Asturianes, Trabatel, Cultures, Erada, Lliteratura, Entrambasauguas, Revista de Filoloxía Asturiana...

Participa activamente nel movimientu de defensa de los derechos llingüísticos dende asociaciones como Xeira o la Xunta pola Defensa de la Llingua Asturiana.

Obra

Poesía

• (1990) Bidureiras d'Inverno.
• (1994) Nas arribadas.
• (2009) Augua mansa.

Traducciones

• Xuguetes pa un tiempu prohibíu de Carlos Casares (1993)
• Suaños llétricos de Moncho Caride (1993)
• Talegu de Xosé Ballesteros (1996)
• Les flores radiactives d'Agustín Fernández Paz (1996)
• La folixa d'Eduardo Blanco Amor (1996)
• Una selmana fuera del calendariu, de Carmen Ruiz-Tilve. (1998)

Investigación

• (1991) Conceyu de Tapia: parroquia de Tapia.
• (1994) Conceyu de Tapia: parroquia de Campos y Salave.
• (1996) Vocabulario de Mántaras (Tapia). Aportacióis al léxico del galego-asturiano.
• (2006) ¡Xa chegan Os Quirotelvos! Gaiteiros, cuartetos y outros músicos populares nel estremo occidental d'Asturias.
• (2006) Unde letras falan. Antoloxía da poesía en galego-asturiano (1929-1934).
• (2009) El Teatro Aldeano da Biblioteca Popular Circulante de Castripol. Historia, estudio y edición das obras (1929-1934).
• (2014) Vocabulariu de Santuyano (Mieres).

Ediciones

• El tío Pepe. Colaboracióis periodísticas en gallegoasturiano (1931-1948) (Alejandro Sela) (2000)
• El trato (Francisco F. Arias Campoamor) (2005)

Enllaces esternos

• Datos: Q10952082