Xunta de Galicia
La Xunta de Galicia[1] (en gallegu, Xunta de Galicia) ye l'órganu colexáu»[2] de gobiernu de Galicia (España).[3] Ta compuesta pol presidente, vicepresidente o vicepresidentes (nel so casu) y conseyeros, que se parten les distintes árees de gobiernu. Los vicepresidentes y los conseyeros son nomaos pol #Presidentes de la Xunta de Galicia dende la so creación presidente. Galicia exerz les sos funciones alministratives al traviés de la Xunta y de les Conseyeríes. La Presidencia de la Xunta de Galicia tien la so sede oficial nel Palaciu de Rajoy en Santiago de Compostela, y los edificios de San Caetano y San Llázaro acueyen les conseyeríes.[4]
| Xunta de Galicia | |
|---|---|
| gobiernu autonómicu, organismu públicu, institución y información | |
.svg) | |
 | |
 | |
| Llocalización | |
| País |  España |
| Autonomía |  Galicia |
| Provincia | [[Provincia d'A Coruña|{{{2}}} |
| Conceyu | [[Santiago de Compostela|{{{2}}} |
| Sede | Santiago de Compostela |
| Historia | |
| Fundación | 1981 |
| Organigrama | |
| Presidente | Alfonso Rueda (2022) |
| Web oficial | |
 | |
Historia
editarLa Xunta de Galicia foi creada en 1981, cola aprobación del Estatutu d'Autonomía. Recueye'l nome de la Xunta del Reinu de Galicia, creada en 1528, y que perviviría, con delles interrupciones, hasta 1833. El términu "Xunta" foi usáu profusamente mientres el sieglu XIX pa designar a organismos autoproclamados que tomaben el territoriu gallegu. Asina, por casu, mientres la guerra de la Independencia española, de forma análoga al restu d'España, creóse la Xunta Suprema de Galicia (el 30 de mayu de 1808, en La Coruña) pa dirixir la llucha contra los franceses y caltener l'orde públicu. La Xunta Suprema asumió funciones militares, llexislatives y de rellaciones internacionales hasta la creación de la Xunta Central.
En 1846 produzse'l llevantamientu del comandante Solís en Lugo, qu'esllee'l Conseyu Provincial y la Diputación entamándose en Santiago de Compostela la Xunta Cimera del Gobiernu de Galicia, presidida por Pío Rodríguez Terrazo y d'efímera duración.
La Xunta de Galicia moderna apaez per vegada primera nel proyeutu d'Estatutu d'Autonomía de Galicia de 1936, que, anque aprobáu en plebiscitu nun llegó a entrar a valir debíu al españíu de la Guerra Civil y la cayida inmediata de Galicia en manes de los sublevaos.
Nun foi hasta la muerte de Franco y l'aprobación de la Llei pa la Reforma Política que se crean los órganos preautonómicos, ente ellos los gallegos. Finalmente, el Real Decreto-Llei 7/1978 y el Real Decreto 474/1978, aprobaos el 16 de marzu de 1978, establecen la Xunta de Galicia como gobiernu autonómicu gallegu. En 1981 aprobóse l'Estatutu d'Autonomía y escoyóse per vegada primera al so presidente por eleición popular, Gerardo Fernández Alborecer.
En 1983 apruébase la Llei autonómica 1/1983,[5] reguladora de la Xunta y del so presidente.
Competencies
editarLa Xunta de Galicia regula los sos propios tributos, ellabora les normes pa xestionar los impuestos estatales y ellabora y aplica el presupuestu de Galicia.
Tamién tien competencies esclusives, ente les que s'atopen les referentes a:
- Organización de les sos instituciones d'autogobiernu y de les contornes y parroquies como entidaes propies de Galicia;
- Ordenación del territoriu y de la mariña, urbanismu y vivienda;
- Actuaciones en rellación a les instituciones del derechu civil gallegu; normes procesales y procedimientos alministrativos que se deriven del específicu derechu gallegu o de la organización de los poderes públicos;
- Obres públiques; víes ferriales, carreteres y tresporte; puertos, aeropuertos y helipuertos;
- Aprovechamientos forestales, hidráulicos y relativos a la enerxía llétrica; agües minerales y termales; pesca nes rías y agües interiores; feries y mercaos;
- Artesanía, patrimoniu artísticu, biblioteques, museos, conservatorios de música y servicios de Belles Artes; fomentu de la cultura y de la investigación; promoción de la enseñanza de la llingua gallega, del turismu y del deporte;
- Asistencia social;
- Creación d'una Policía Autónoma;
- Réxime de les fundaciones;
- Casinos, xuegos y apuestes;
- Centros de contratación de mercancíes y valores;
- Cofraderíes de pescadores y distintes cámares y *
Normes adicionales sobre proteición del mediu ambiente. Llucha contra quemes y desastres medioambientales.
Presidentes de la Xunta de Galicia dende la so creación
editar
El presidente de la Xunta de Galicia anguaño ye escoyíu pol Parllamentu de Galicia d'ente los sos diputaos y nomáu pol rei. El presidente ye la más alta representación de la Xunta de Galicia y ye'l representante ordinariu del Estáu en Galicia. La so denominación ye Presidente de la Xunta de Galicia[1] (en gallegu Presidente da Xunta de Galicia).
Los presidentes de la Xunta de Galicia dende la so creación son:
- Antonio Rosón Pérez (Unión de Centru Democráticu, 1977-1979) (Xunta preautonómica)
- José Quiroga Suárez (Unión de Centru Democráticu, 1979-1981) (Xunta preautonómica)
- Gerardo Fernández Alborecer (Alianza Popular, 1981-1987)
- Fernando Ignacio González Laxe (Partíu dos Socialistes de Galicia-PSOE, 1987-1990)
- Manuel Fraga Iribarne (Partíu Popular de Galicia, 1990-2005)
- Emilio Pérez Touriño (Partíu dos Socialistes de Galicia, 2005-2009).
- Alberto Núñez Feijóo (Partíu Popular de Galicia, 2009-)
Cargos
editarLos miembros de la Xunta de Galicia son los siguientes:
- Presidente: Alberto Núñez Feijóo (PPdeG)
- Vicepresidencia y Conseyería de Presidencia, Alministraciones Públiques y Xusticia: Alfonso Rueda Valenzuela (PPdeG)
- Conseyería de Mediu Rural: Ánxeles Vázquez Mejuto (PPdeG)
- Conseyería de Política Social: José Manuel Rey Varela (PPdeG)
- Conseyería d'Economía, Emplegu ya Industria: Francisco Conde López (PPdeG)
- Conseyería de Cultura, Educación y Ordenación Universitaria: Román Rodríguez González (PPdeG)
- Conseyería de Sanidá: Jesús Vázquez Almuíña (PPdeG)
- Conseyería d'Infraestructures y Vivienda: Ethel Mª Vázquez Mourelle (PPdeG)
- Conseyería de Facienda: Valeriano Martínez García (PPdeG)
- Conseyería de Mediu Ambiente y Ordenación del Territoriu: Beatriz Mato Otero (PPdeG)
- Conseyería del Mar: Rosa Quintana Carballo (PPdeG)[6]
Allugamientu
editar
- Edificios Alministrativos San Caetano
San Caetano, e/n
15704 - Santiago de Compostela (La Coruña). - Palaciu de Rajoy
Plaza del Obradoiro.
15705 - Santiago de Compostela (La Coruña).
- Delegación territorial de la Xunta de Galicia en La Coruña
Vicente Ferrer, 2
15008 - La Coruña (La Coruña). - Delegación territorial de la Xunta de Galicia en Pontevedra
María Victoria Moreno, 43
36003 - Pontevedra (Pontevedra). - Delegación territorial de la Xunta de Galicia en Ourense
Habana, 79
32004 - Ourense (Ourense). - Delegación territorial de la Xunta de Galicia en Lugo
Ronda de la Muralla, 70
27001 - Lugo (Lugo). - Delegación territorial de la Xunta de Galicia en Ferrol[8]
Plaza de España, 2
15403 - Ferrol (La Coruña). - Delegación territorial de la Xunta de Galicia en Vigo[9]
Concepción Arenal, 8
36201 - Vigo (Pontevedra).
Ver tamién
editarReferencies
editar- ↑ 1,0 1,1 Forma n'español cola qu'apaez na traducción del Estatutu d'Autonomía de Galicia vixente* Xefatura del Estáu (1981). «LLEI ORGÁNICA 1/1981, de 6 d'abril, d'Estatutu d'Autonomía pa Galicia.». Boletín Oficial del Estáu (28 d'abril). páxs. 8997 - 9003. http://www.boe.es/buscar/doc.php?id=BOE-A-1981-9564.
- ↑ Un órganu colexáu» ye un conxuntu de persones que sirve pa la execución d'un actu o un designio; cf. 6ª acepción de «Órganu» y «Órganu colexáu», nel DRAE.
- ↑ Cf. Capítulu II, artículu 16 del Estatutu d'Autonomía.
- ↑ «La Xunta de Galicia A Xunta de Galicia». xunta.es. Consultáu'l 13 d'avientu de 2013.
- ↑ «21 de marzu de 1983». España: Boe.
- ↑ xunta.gal (ed.): «Consellería del Mediu Rural». Consultáu'l 23 de payares de 2016.
- ↑ «Direutoriu». https://www.xunta.gal. Consultáu'l 5 d'ochobre de 2017.
- ↑ «La Xunta aprueba la creación de una delegación territorial para 20 concellos de la comarca». http://www.lavozdegalicia.es. Consultáu'l 10 de febreru de 2022.
- ↑ «duldes-delles certidumes/20170123235559319195.html Vigo, una ciudá con munches duldes y delles certidumes». http://www.elidealgallego.com. Consultáu'l 24 de xineru de 2017.
Enllaces esternos
editar
Wikimedia Commons acueye conteníu multimedia sobre Xunta de Galicia.- Web oficial de la Xunta de Galicia
Datos: Q1779601- Multimedia: Xunta de Galicia
