Xuventú Franciscana

La Xuventú Franciscana o XuFra ye una fraternidá de xóvenes que tán llamaos pol Espíritu Santu a facer forma de vida l'Evanxeliu del Nuesu Señor Xesucristu, baxo la lluz y guía de San Francisco d'Asís, dientro del ámbitu de la Orde Franciscana Seglar.

Xuventú Franciscana
organización
Bolsa de valores	Tercer Orde de San Franciscu Familia Franciscana (es)

Miembros

Formen la XuFra tolos xóvenes ente 15 y 30 años que viven y trabayen nel mundiu, nuna vida seglar, y son llamaos pol Espíritu Santu pa facer la esperiencia de vida al mou de San Francisco d'Asís y la so espiritualidá, que faen en fraternidá una esperiencia de vida cristiana. Afonden na so vocación cola compaña de la Familia Franciscana, seya colos relixosos (OFM, OFM Conv, OFM Cap o tros relixosos de la Tercera Orde) o los seglares OFS.

Los miembros pertenecen a la Ilesia Católica y tienen un compromisu de trabayu activu dientru la mesma.

Formación y actividaes de los miembros

La XuFra dependiendo del so carisma y el llugar de les sos actividaes, tienen reuniones periódiques xeneralmente d'al menos una reunión selmanal oficial, pero pue tener apostoláu n'otros díes determinaos, los xóvenes puen ser tamién misioneros y acompañar a los flaires o a les relixoses nes diferentes actividaes.

Les actividaes principales son les que van darréu:

• Misiones
• Coru xuvenil.
• Catecismu.
• Llabores humanitaries y d'apoyu social.
• Participación n'ONGs.

El Gobiernu de XuFra tien que tar formáu por:

1. Un líder o responsable, animador y coordinador.
2. Un coanimador, vicecoordinador.
3. Un formador o formadora.
4. Un representante de la OFS ente la XuFra.
5. Un flaire menor o hermana clarisa d'apoyu en formación, asesor Relixosu o asistente espiritual.
6. Un asesor llaicu.
7. Dos observadores.
8. Un tesoreru.
9. Miembros comprometíos.

Estos servicios de gobiernu puen variar en denominación y composición d'alcuerdu al país.

Mentantu la formación, qu'ocurre selmanalmente, los miembros estudien la Biblia, los escritos de San Francisco d'Asís, el catecismu y la espiritualidá franciscana'n xeneral. Espoxiguen la so formación humana, cristiana y franciscana.

Miembros activos

Los miembros comprometíos deben tener permanecío na XuFra polo menos un añu y al cabu d'esti añu puen facer una promesa de vivir conforme l'Evanxeliu guíaos pola espiritualidá franciscana, n'esti momentu reciben la so Tau y entamen la so trayeutoria como miembros comprometíos.

Ceremonia d'aniciu

El ritu de la promesa desendólcase durante la celebración de la misa. Celébrase la misa correspuendente del día, o si lu permiten les rúbriques, la Votiva de San Francisco d'Asís u otra apropiada. Preferentemente'l 3 o 4 d'Ochobre, na festividá de San Francisco.

Si nun ye posible celebrar la misa, realízase'l ritu dientru d'una Lliturxia de la Pallabra. Si paez oportunu, pue facese con una llectura del Evanxeliu y una llectura Franciscana.

Enllaces esternos

• Datos: Q2739344