Zenga Zenga
Zenga Zenga ye un cantar con Auto-Tune y un videu viral de YouTube qu'asonsañó al ex-líder libiu Muammar al-Gaddafi. El cantar, publicada'l 22 de febreru de 2011, rápido fíxose popular ente la oposición libia que participaba na Guerra de Libia de 2011.
| Zenga Zenga | |
|---|---|
| Datos | |
| Tipu |
video viral (es)  y cenciellu |
| Intérprete | Muammar al-Gadafi |
| Idioma | árabe |
| Xéneru | Música lletrónica |
| Fecha publicación | 2011 |
| Duración | 2:10 |
 | |
El cantar foi creada por Noy Alooshe, un periodista y músicu israelín. El videu orixinal tien más de 4 millones de reproducciones y la versión editada «llimpia» devasó'l millón de visites.
Antecedentes editar
El 22 de febreru de 2011, Gadafi dio un discursu televisáu metanes un malestar social violentu contra'l so gobiernu. Nel discursu (pronunciáu n'árabe), Gadafi xuró escorrer a los manifestantes «palmo por palmo, casa per casa, habitación per habitación, caleyón per caleyón [árabe: zanqa zanqa]».[1]
Un periodista y músicu israelín, Noy Alooshe, taba mirando'l discursu y vio la estraña vistimienta y gesticulaciones de Gadafi como daqué sacáu d'una fiesta trance. Usando'l ritmu natural de les pallabres de Gadafi, Alooshe pasó unes poques hores nel so ordenador y usando la teunoloxía Auto-Tune punxo'l discursu cola música de «Hey Baby», un cantar del raperu d'Estaos Xuníos Pitbull con otru artista d'Estaos Xuníos de rap, T-Pain. El videu orixinal presenta clips del discursu de Gadafi xunto a imáxenes reflexaes d'una muyer llixera de ropa baillando.[1]
Alooshe tituló'l nuevu cantar «Zenga Zenga», basándose na repetición de Gadafi nel so discursu de la pallabra zanqa, caleyón n'árabe nel dialeutu libiu. El cómicu d'Estaos Xuníos Conan O'Brien ostensiblemente foi'l primeru en popularizar el tresformamientu de zanqa en «zenga zenga» y Alooshe llamó'l clip en consecuencia.[2] Al entamu de la mañana del miércoles n'Israel, Alooshe xubiera'l «remix electro hip hop» a YouTube. Na nueche del domingu, al traviés de promoción en Twitter y Facebook, el videu habíase convertíu en viral, recibiendo casi 500.000 visites.[1]
Referencies editar
- ↑ 1,0 1,1 1,2 Isabel Kershner (28 de febreru de 2011) (n'inglés). Qaddafi YouTube Spoof by Israeli Gets Arab Fans. The New York Times. p. A10. http://www.nytimes.com/2011/02/28/world/middleeast/28youtube.html. Consultáu'l 26 d'ochobre de 2013.
- ↑ Avigayil Kadesh (2 de marzu de 2011). «The Israeli behind 'Zenga Zenga'» (inglés). Ministeriu d'Asuntos Esteriores d'Israel. Consultáu'l 26 d'ochobre de 2013.
Datos: Q2097413
