Abrir el menú principal

Épsilon Centauri (ε Cen / HD 118716 / HR 5132)[1] ye una estrella de magnitú aparente +2,29 asitiada na constelación de Centaurus. Tien el nome, pocu utilizáu, de Birdun, que'l so orixe ye árabe y significa «caballu de carga».

Épsilon Centauri
Constelación Centaurus
Ascensión reuta α 13h 39min 53,2s
Declinación δ -53º 27’ 59’’
Distancia 380 ± 30 años lluz
Magnitú visual +2,29
Magnitú absoluta -3,02
Lluminosidá 11.400 soles (bolométrica)
Temperatura 23.900 K
Masa 11 soles
Radiu 6,25 soles
Tipu espectral B1III
Velocidá radial +3,0 km/s

Épsilon Centauri ye una estrella azul caliente de tipu espectral B1 con una temperatura superficial de 23.900 K. Nun esiste unanimidá tocantes a si ye una estrella xigante, subxigante o de la secuencia principal. La so lluminosidá —teniendo en cuenta la radiación emitida nel ultravioleta— ye de 11.400 soles, siendo'l so radiu 6,25 vegaes más grande qu'el del Sol. Amuesa una alta velocidá de rotación de siquier 114 km/s, emplegando menos de 2,7 díes en completar una vuelta. Tien una masa 11 vegaes mayor que la del Sol y la so edá envalórase en menos de 10 millones d'años.[2]

Épsilon Centauri ye una variable Beta Cephei que'l so rellumu apenes varia dos centésimes de magnitú ente +2,29 y +2,31 en múltiples periodos de 0,170, 0,177, 0,210 y 0,191 díes. Una estrella de magnitú 13 visualmente a 39 segundos d'arcu pue ser una compañera real —pol so rellumu sería una nana naranxa de tipu K6— o a cencielles una estrella na mesma llinia de visión. Nel casu de qu'esista una rellación física ente dambes, la separación proyeutada, 4500 UA, implica un periodu orbital de siquier 89.000 años.[2]

ReferenciesEditar