8 Spruce Street
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
8 Spruce Street, tamién conocíu como New York by Gehry, ye un rascacielos de la ciudá d'Estaos Xuníos de Nueva York. Asítiase nel númberu 8 de la cai Spruce, nel Lower Manhattan, al sur de la plaza l'ayuntamientu (City Hall Plaza) y la ponte de Brooklyn (Brooklyn Bridge). Tien un altor de 265 m (870 pies) y 76 pisos. D'usu residencial, va ser el decimosegundu edificiu de viviendes mayor del mundu y el segundu mayor del país cuando acabe, pal 2014, la construcción, tamién en Nueva York, del One57.
| 8 Spruce Street | |
|---|---|
| Rascacielos | |
.jpg) | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
| Coordenaes | 40°42′39″N 74°00′20″W / 40.71092°N 74.00569°O |
  8 Spruce Street 8 Spruce Street (los EE.XX.) | |
| Historia y usu | |
| Apertura | 2011 |
| Dueñu |
Forest City Realty Trust (es)  |
| Arquiteutura | |
| Arquiteutu/a | Frank Gehry |
| Inxenieru d'estructures |
WSP Global (es) |
| Estilu | arquiteutura postmoderna |
| Altor | 300 m |
| Pisos | 76 |
| Web oficial | |
 | |
El nome orixinal del edificiu yera Beekman Tower. L'estudiu d'esti arquiteutu (Frank Gehry) foi'l que diseñó esti edificiu, qu'entamó a construyise en 2006 y inauguróse en febreru de 2011. Tien una escuela primaria y dellos comercios na planta baxa, pero'l restu del edificiu ye de viviendes (898 en total), lo que fai d'elli una rareza nesta zona de la ciudá, enllena d'edificios d'oficines.
La so estructura, d'hormigón reforzáu, recuerda en tamañu y forma esterior al edificiu Aqua, llevantáu en Chicago en 2009 con diseñu de l'arquiteuta Jeanne Gang. La so fachada ta formada por 10.500 paneles d'aceru inoxidable, dellos planos y dellos ondulaos. Les ventanes de los distintos pisos nun tán alliniaes, y amás el tamañu de les ventanes nun ye'l mesmu nos diferentes apartamentos. L'efectu acumulativu d'estes estructures desiguales recuerda, según l'arquiteutu, les curves que había tener una tela que se posara tapando l'edificiu. A resultes d'ello, cada apartamentu de les siete fachaes ondulantes del edificiu tien una planta diferente. Hai namái una fachada plana, la que mira pal sur. Sirve de contraste visual coles otres, y a la vez refuerza la estructura del edificiu.
Referencies
editarEnllaces esternos
editar- (n'inglés) Ficha del edificiu na web Skyscraperpage.com
- (n'inglés) Ficha del edificiu na web Emporis.com
- (n'inglés) Modelu dixital en 3D del edificiu en Google 3D Warehouse (enllaz rotu disponible n'Internet Archive; ver l'historial y la última versión).
Datos: Q274916
Multimedia: 8 Spruce Street
