Manhattan, conocida na so zona d'influyencia como The City[2], ye'l más pequeñu y más densamente pobláu de los 5 distritos metropolitanos (boroughs) de la ciudá de Nueva York, n'Estaos Xuníos. Ye'l nucleu del área metropolitana de Nueva York, y coestensivu col condáu de Nueva York (New York County), ún de los orixinales del estáu homónimu. Manhattan ye'l centru económicu y alministrativu de la ciudá, el so llugar de nacimientu[3] y el que-y da la so identidá cultural[4]. El distritu compriende'l territoriu de la islla de Manhattan, que ta arrodiada polos ríos Hudson, East y Harlem, y dellos isllotes de la so rodiada. Tamién inclúi Marble Hill, un pequeñu barriu qu'anguaño pertenez al continente; foi separtáu del restu de Manhattan pola Canal del Harlem (Harlem Ship Canal) y posteriormente conectáu, mediante rellenu artificial del territoriu,al Bronx. La islla divídese informalmente en sentíu norte-sur en trés partes: Lower, Midtown y Upper Manhattan (Manhattan Baxu, Mediu y Altu).

Manhattan
Alministración
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Ciudá Nueva York
Tipu d'entidá borough de Nueva York[1]
Cabezaleru/a del gobiernu Gale Brewer
Nome oficial Manhattan (en)
Nome llocal Manhattan (en)
Códigu postal
Xeografía
Coordenaes 40°43′42″N 73°59′39″W / 40.7283°N 73.9942°O / 40.7283; -73.9942
Manhattan alcuéntrase en los EE.XX.
Manhattan
Manhattan
Manhattan (los EE.XX.)
Superficie 87.0 km²
Altitú 85 m
Llenda con
Demografía
Población 1 694 251 hab. (1r abril 2020)
Porcentaxe 19.24% de Nueva York
8.39% de Nueva York
0.51% de Estaos Xuníos
Densidá 19 474,15 hab/km²
Viviendes 758 720 (31 avientu 2020)
Más información
Fundación 1624
Prefixu telefónicu 212, 646 y 917
Estaya horaria Horariu del este de Norteamérica
UTC−05:00 (horariu estándar)
UTC−04:00 (horariu de branu)
manhattanbp.nyc.gov…
Cambiar los datos en Wikidata

Manhattan tien sío descrito como la capital cultural, financiera, del entretenimientu y de los medios de comunicación del mundu[5][6][7][8], y ye la sede tamién de les Naciones Xuníes[9]. Wall Street, nel Distritu Financieru del Lower Manhattan, fai de la ciudá la más poderosa económicamente del mundu y el centru financieru principal del planeta[10][11][12][13]: Manhattan ye la sede de les dos mayores bolses de valores del mundu por capitalización de mercáu: el New York Stock Exchange and NASDAQ.[14][15]. Munchos conglomeraos mediáticos multinacionales tienen tamién la so sede nel distritu, que les sos calles tienen sío l'escenariu de milenta películes, series de televisión y llibros. Los precios de los inmuebles tán ente los mayores del mundu: tien estimáose'l valor de la islla, incluyíes les sos propiedaes inmobiliaries, en más de trés billones de dólares (2013)[3][16]; los precios medios de venta de propiedá residencial yeren de 17.000 dólares por metru cuadráu (2018)[17]; y los llocales de la Quinta Avenida, nel Midtown, son los llocales comerciales más caros del mundu, con un preciu mediu de 32.000 dólares por metru cuadráu en 2017[18].

Manhattan nació como puestu comercial: colonos de les Provincies Xuníes de los Países Baxos fundáronlu en 1624 nel Baxu Manhattan, y diéron-y el nome de Nueva Ámsterdam en 1626. El puestu, y les tierres de la so rodiada, pasaron a manes britániques en 1664[19], y recibieron el nome de Nueva York dempués de que'l rei Carlos II d'Inglaterra concediéra-y estes tierres al so hermanu, el duque de York[20]. Nueva York, que tien el so centru en Manhattan, foi capital de los Estaos Xuníos de 1785 a 1790[21]. Manhattan convirtióse nún borough demientres el procesu de consolidación de Nueva York de 1898, pol que s'incorporaran a la ciudá los terrenos de Brooklyn, la fastera occidental del condáu de Queens y Staten Island. La parte del Bronx asitiada al oeste del ríu Bronx fora anexonada a la ciudá en 1874, y la oriental en 1895.

El condáu de Nueva York, que compriende'l territoriu del distritu de Manhattan, ye'l más pequeñu de tol territoriu continental d'Estaos Xuníos, el segundu de tol país (namái'l condáu de Kalawao, en Ḥawai, ye más pequeñu) n'estensión y el más densamente pobláu[22]. La so densidá, de 18.154 hab/km² (1.694.251 habitantes nos sos 59,13 km² d'estensión en 2020[23]), ye la mayor de cualesquier ciudá d'Estaos Xuníos[24], y una de les mayores del mundu. Nos díes llaborables el númberu de persones qu'aporten a ella a trabayar faen aumentar la so población a más de 3,9 millones de persones[25], esto ye, 65.600 hab/km². Si fora una ciudá independiente, sería la sexta mayor del país.

Manhattan ye'l destinu preferente de los millones de turistes que visiten Nueva York cada añu (62,8 millones en 2017[26]), una y bones trés de les 10 atracciones turístiques más visitaes del mundu alcuéntrense nella: Times Square, Central Park y la estación de ferrocarril Grand Central Terminal.[27]. Tien pontes (les de Brooklyn, Manhattan, Williamsburg, Queensboro, Triborough y George Washington), túneles (Holland y Lincoln), rascacielos icónicos (Empire State Building, Chrysler Building y One World Trade Center[28]), y parques como Central o The Battery. En Chinatown vive la mayor concentración de persones d'orixe chinu del hemisferiu occidental[29], y Stonewall Inn, nel barriu de Greenwich Village, ye consideráu'l llugar de creación del modernu movimientu LGTB[30][31]. La ciudá ye la sede del gobiernu de la ciudá[32], y sede de bien d'universidaes[33]; varies d'elles (Columbia, Nueva York, Cornell y Rockefeller) tán ente les 40 meyores del mundu[34][35].

Referencies editar

  1. Afirmao en: Library of Congress Name Authority File. Identificador d'autoridá de la Biblioteca del Congresu d'EEXX: n80118393. Data de consulta: 23 abril 2021. Autor: Biblioteca del Congresu d'Estaos Xuníos. Llingua de la obra o nome: inglés.
  2. Jen Carlson (May 21, 2012). «Do You Refer To Manhattan As "The City"?». Gothamist. Consultáu'l August 11, 2021.
  3. 3,0 3,1 «Manhattan, New York – Some of the Most Expensive Real Estate in the World Overlooks Central Park». The Pinnacle List. Consultáu'l November 24, 2014.
  4. «New York City». TravelPulse. July 26, 2018. https://www.travelpulse.com/destinations/north-america/united-states/new-york/new-york-city.html. Consultáu'l May 11, 2020. 
  5. Barry, Dan. "A Nation challenged: in New York; New York Carries On, but Test of Its Grit Has Just Begun" Archived marzu 24, 2020, at the Wayback Machine, The New York Times, October 11, 2001. Accessed November 20, 2016.
  6. «When He Was Seventeen». The New York Times. September 16, 2007. https://www.nytimes.com/2007/09/16/nyregion/thecity/16toug.html?pagewanted=2&_r=1. Consultáu'l December 22, 2007. «In 1980, there were still the remains of the various downtown revolutions that had reinvigorated New York's music and art scenes and kept Manhattan in the position it had occupied since the 1940s as the cultural center of the world.». 
  7. Manhattan May Be the Media Capital of the World, But Not For iPad Users. April 6, 2010. https://www.dnainfo.com/new-york/20100406/manhattan/manhattan-may-be-media-capital-world-but-not-for-ipad-users. Consultáu'l June 11, 2017. 
  8. Dawn Ennis (May 24, 2017). «ABC will broadcast New York's pride parade live for the first time». LGBTQ Nation. Consultáu'l June 4, 2017.
  9. «United Nations Visitors Centre "Welcome to the United Nations — Tour the international UN Headquarters"». United Nations. Consultáu'l June 13, 2014.
  10. «New York surges ahead of Brexit-shadowed London in finance: survey». Reuters. January 27, 2020. https://www.reuters.com/article/us-survey-banks/new-york-surges-ahead-of-brexit-shadowed-london-in-finance-survey-idUSKBN1ZQ0BE. Consultáu'l January 27, 2020. «New York remains the world's top financial center, pushing London further into second place as Brexit uncertainty undermines the UK capital and Asian centers catch up, a survey from consultants Duff & Phelps said on Monday.». 
  11. «New York widens lead over London as finance hub: Duff & Phelps». Thomson Reuters (February 16, 2021). Consultáu'l March 20, 2021.
  12. Richard Florida (March 3, 2015). «Sorry, London: New York Is the World's Most Economically Powerful City». The Atlantic Monthly Group. Consultáu'l March 16, 2015. «Our new ranking puts the Big Apple firmly on top.»
  13. [1] Accessed March 19, 2021.
  14. «NYSE Listings Directory». Consultáu'l June 23, 2014.
  15. «Biggest Stock Exchanges In The World». worldatlas.com (April 25, 2017). Consultáu'l October 15, 2017. «The world's two largest stock exchanges lie only minutes apart in the Wall Street area of Manhattan, New York City, United States.»
  16. Morgan Brennan (March 22, 2013). «The World's Most Expensive Billionaire Cities». Forbes. Consultáu'l November 24, 2014.
  17. [2] Archived agostu 15, 2018, at the Wayback Machine Accessed January 31, 2018.
  18. A plea for Fifth Avenue. January 9, 2017. https://www.nytimes.com/2017/01/09/opinion/a-plea-for-fifth-avenue.html?action=click&pgtype=Homepage&clickSource=story-heading&module=opinion-c-col-right-region&region=opinion-c-col-right-region&WT.nav=opinion-c-col-right-region. Consultáu'l January 9, 2017. 
  19. «United States History – History of New York City, New York». Consultáu'l April 7, 2018.
  20. «KINGSTON Discover 300 Years of New York History DUTCH COLONIES». National Park Service, U.S. Department of the Interior. Consultáu'l April 7, 2018.
  21. «The Nine Capitals of the United States». United States Senate. Consultáu'l 30 de xineru de 2022.
  22. «World's Most Crowded Islands». The Weather Channel. Consultáu'l June 27, 2013.
  23. «USA Counties Land Area – New York, NY (2010)». United States Census Bureau. Consultáu'l February 21, 2015.
  24. «World's Most Crowded Islands». The Weather Channel. Consultáu'l March 28, 2016.
  25. «How Many People Can Manhattan Hold?». The New York Times. March 4, 2012. https://www.nytimes.com/2012/03/04/realestate/how-many-people-can-manhattan-hold.html?pagewanted=all&_r=0. Consultáu'l May 11, 2020. 
  26. «Mayor De Blasio And NYC & Company Announce NYC Welcomed Record 62.8 Million Visitors In 2017». NYC & Company, Inc (March 20, 2018). Consultáu'l April 4, 2018.
  27. Ann Shields (November 10, 2014). «The World's 50 Most Visited Tourist Attractions – No. 3: Times Square, New York City – Annual Visitors: 50,000,000». Travel+Lesiure. Consultáu'l July 12, 2015. «No. 3 Times Square, ... No. 4 (tie) Central Park, ... No. 10 Grand Central Terminal, New York City»
  28. «Buildings in New York City». Council on Tall Buildings and Urban Habitat. Consultáu'l June 8, 2011.
  29. Sarah Waxman. «The History of New York's Chinatown». Mediabridge Infosystems, Inc.. Consultáu'l March 5, 2011. «Manhattan's Chinatown, the largest Chinatown in the United States and the site of the largest concentration of Chinese in the Western Hemisphere, is located on the Lower East Side.»
  30. «Workforce Diversity The Stonewall Inn, National Historic Landmark National Register Number: 99000562». National Park Service, U.S. Department of the Interior. Consultáu'l July 2, 2013.
  31. «Obama inaugural speech references Stonewall gay-rights riots». North Jersey Media Group Inc (January 21, 2013). Consultáu'l July 2, 2013.
  32. The Reporters of City Hall Return to Their Old Perch. May 24, 2012. https://www.nytimes.com/2012/05/25/nyregion/the-reporters-of-city-hall-return-to-their-old-perch.html?_r=0. Consultáu'l December 5, 2013. 
  33. «NYC Colleges and Universities». Mediabridge Infosystems, Inc.. Consultáu'l July 2, 2013.
  34. «Academic Ranking of World Universities 2017». ShanghaiRanking Consultancy. Consultáu'l October 16, 2017.
  35. «CWUR 2016 – World University Rankings». Center for World University Rankings. Consultáu'l October 16, 2017.

Enllaces esternos editar