A Estierna
A Estierna[2][3] (Sisterna en castellanu) ye una parroquia del conceyu asturianu d'Ibias. Ye la más oriental del conceyu, y llenda al norte cola parroquia de Taladriz, al oeste cola de Tormaleo, al sur cola provincia de Lleón y al este cola parroquia de Trabáu, en conceyu Degaña. Tien una estensión de 11,68 km² y una población (INE, 2009) de 32 habitantes. Compriende namái dos nucleos de población: A Estierna y El Vau[4].
 A Estierna | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | [[Archivu:|20x20px|border|link=|]] Ibias |
| Partíu xudicial | Cangas del Narcea |
| Tipu d'entidá | parroquia d'Asturies |
| Xeografía | |
| Coordenaes | 42°57′25″N 6°39′51″W / 42.95708°N 6.66417°O |
  A Estierna A Estierna (Asturies) | |
| Altitú | 793 m[1] |
| Llenda con | Trabáu, Taladriz y Ḷḷarón |
| Demografía | |
| Población | 19 hab. (2020) |
| Porcentaxe |
1.69% de Ibias 0% de provincia d'Asturies 0% de Principáu d'Asturies 0% de España |
| Más información | |
| Estaya horaria | UTC+01:00 |
 | |
Economía editar
Nesta parroquia y nes vecines de Trabáu y El Corralín (dambes de Degaña) tien el so orixe la conocida como "cultura tixileira" o "cultura cunqueira", y la xerga nomada "tixileiru" o "cunqueiru". Anguaño, la mayoría de la so xente ta xubilao.
Población editar
Joseph Fernández recueye nel so llibru "El habla de Sisterna" datos de 1920 del Nomenclátor sobre'l númberu de cases y habitantes. A Estierna con 47 cases y 245 habitantes y El Vau 41 y 199 respeutivamente.
"La gran enciclopedia asturiana" amuesa los datos de la población hacia l'añu setenta. A Estierna 116 habitantes y El Vau 64. Anguaño la población ye muncho menor magar ser zona minera. El Vau con unes 40 cases tien nesti momentu seis habitantes; A Estierna mantién otres cuarenta cases.
Fiestes editar
Les fiestes patronales son El Carmen n'El Vau, el segundu fin de selmana d'agostu, y San Bartolo'l 25 d'agostu n'A Estierna.
Turismu editar
Estos pueblos ufierten al turista la posibilidá de visitar el so Muséu Etnográficu Tixileiru y agospiase nel so Hotel Rural Tixileiro.
Patrimoniu editar
El so patrimoniu cultural céntrase en cuatro construcciones perimportantes que son, n'A Estierna la Ilesia de Santa María, y n'El Vau la Capiella del Carmen, Casa de Feliz (col escudu de los Sal) y la Casa de Bone.
Referencies editar
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ Nomes de conceyos, parroquies, pueblos y llugares del Principáu d'Asturies, Academia de la Llingua Asturiana, Uviéu, 2000, ISBN 84-8168-194-6. PDF, páx. 95
- ↑ Toponimia Asturiana. El porqué de los nombres de nuestros pueblos, Xosé Lluis García Arias, Editorial Prensa Asturiana S.A./La Nueva España, Uviéu, 2005, ISBN 84-87730-78-7.
- ↑ Nomes de conceyos, parroquies, pueblos y llugares del Principáu d'Asturies, Academia de la Llingua Asturiana, Uviéu, 2000, ISBN 84-8168-194-6. PDF, páx. 95
Enllaces esternos editar
Wikimedia Commons acueye conteníu multimedia sobre A Estierna 
.
.svg){kind=small}
|
Parroquies d'Ibias | |
|---|---|---|
| Cecos | Os Coutos | A Estierna | Marentes | Piliceira | San Cremente | Santantolín | Sena | Seroiro | Taladriz | Tormaleo | ||
