Abbott and Costello

Abbott and Costello (n'asturianu Abbott y Costello) foi un dúu de comedia d'Estaos Xuníos d'América compuestu por Bud Abbott y Lou Costello, que col so trabayu nel teatru, la radio, el cine y la televisión ficiéronse los cómicos más populares na década de 1940. Cola so emblemática ya influyente rutina "¿Quién va primero?" marcaron les pautes de munchos gags asemeyaos nos años vinientes.

Abbott and Costello
Xéneru(os)	Parodia
Miembros
Lou Costello y Bud Abbott
Enllaces esternos
Sitiu web oficial	http://www.abbottandcostello.net
Discogs	658943
[editar datos en Wikidata]

Abbott y Costello nos 50.

Carrera

El dúu fizo la so primer apaición na radio'l 3 de febreru de 1938, nel conocíu show The Kate Smith Hour. A lo primero, les semeyances ente les sos voces foi una dificultá pa los oyentes. El problema resolvióse con Costello interpretando una voz infantil aguda. "¿Quién va primero?" foi presentada per primer vegada pa l'audiencia de la radio nacional al otru mes. Ellos quedaron nel programa de radio mientres dos años, ente que realizaben dellos papeles en Broadway como The Streets of Paris en 1939.

En 1940 fueron contrataos pola Universal Studios pa la película One Night in the Tropics. Universal concedió-yos un contratu al llargu plazu, y la so segunda película, Buck Privates, (1941) convirtiólos n'estrelles de taquiella. Na mayoría de les sos películes, la trama foi un marcu pa volver introducir les rutines de comedia qu'ellos estrenaren nel escenariu. La Universal tamién amestó númberos rellumantes, la gran producción con The Andrews Sisters, Ted Lewis y la so orquesta, Ella Fitzgerald, y otros actos musicales. Ficieron trenta y seis películes xuntos ente 1940 y 1956. Abbott y Costello tuvieron ente los artistes más populares y meyor pagaos del mundu na segunda guerra mundial.

Ente les sos más grandes películes inclúyense a Hold That Ghost, Who Done It?, Pardon My Sarong, The Time of Their Lives, Abbott and Costello Meet Frankenstein y Abbott and Costello Meet the Invisible Man, coles estrelles del terror Béla Lugosi, Lon Chaney, Jr. y Boris Karloff.

Radio

Dempués de trabayar como reemplazu de branu de Fred Allen, Abbott y Costello xuniéronse a Edgar Bergen y Charlie McCarthy en The Chase and Sanborn Hour en 1941, ente que dos de les sos películes (Buck Privaes y Hold That Ghost) fueron feches pal programa de radio Lux Radio Theatre. Ellos tamién llanzaron el so propiu programa selmanal el 8 d'ochobre de 1942, patrocináu pola marca de cigarros Camel. El dúu tamién entamó un programa pa neños de 30 minutos na radio llamáu The Abbott and Costello Children's Show, que salió al aire los sábados pela mañana, cola neña cantante Mae Slaughter y el neñu llocutor Johnny McGovern.

Televisión

En 1951, fueron contrataos pola televisión y participaron en The Colgate Comedy Hour. Cada programa yera d'una hora en direuto con actores de vodevil, frente a un públicu de teatru, la revitalización de les actuaciones de los cómicos, foi dando a les sos vieyes rutines un rellumu nuevu.

A partir de 1952 filmaron una serie de media hora, The Abbott and Costello Show, la serie apaeció nes estaciones llocales de tol país. Vagamente basada na so serie de radio, l'espectáculu xira alredor de dos desemplegaos. Unu de los gags foi'l del cobru del arriendu del apartamentu onde viven xuntos, Abbott ye cafiante con Costello pa que consiga un trabayu pa pagar l'arriendu. Na serie'l Sr. Sidney Fields ye'l dueñu del apartamentu, y Hillary Brooke ye una vecina amiga que dacuando se mete nos problemes d'Abbott y Costello. Otru protagonista foi Joe Besser como Stinky, un neñu amuyeráu de 40 años d'edá, vistíu con un traxe de pequeñu Lord. Gordon Jones foi'l policía Mike, que siempres pierde la paciencia con Lou.

Últimos años

A mediaos de la década de 1950 la popularidá d'Abbott y Costello esmoreció. Anque yeren los tiempos de Dean Martin y Jerry Lewis, cada añu fixeron dos películes nueves, más la so serie de televisión.

Bud Abbott retiróse del cine en 1956, depués de filmar con Costello Dance with Me, Henry.

Lou Costello fixo les sos últimes apaiciones na televisión en The Steve Allen Show. Tamién actuó n'episodios de General Electric Theater y Wagon Train.

Filmografía

Añu	Película	Lou Costello	Bud Abbott	Notes
1940	One Night in the Tropics	Costello	Abbott	Universal
1941	Buck Privates	Herbie Brown	Slicker Smith	Universal
1941	In the Navy	Pomeroy Watson	Smokey Adams	Universal
1941	Hold That Ghost	Ferdinand Jones	Chuck Murray	Universal
1941	Keep 'Em Flying	Heathcliffe	Blackie Benson	Universal
1942	Ride 'Em Cowboy	Willoughby	Duke	Universal
1942	Rio Rita	Wishy Dunn	Doc	Primer del trés películes pa la Metro Goldwyn Mayer
1942	Pardon My Sarong	Wellington Phlug	Algy Shaw	Universal
1942	Who Done It?	Mervyn Milgrim	Chick Larkin	Universal
1943	It Ain't Hai	Wilbur Hoolihan	Grover Mickridge	Universal
1943	Hit the Ice	Tubby McCoy	Flash Fulton	Universal
1944	In Society	Albert Mansfield	Eddie Harrington	Universal
1944	Lost in a Harem	Harvey Garvey	Peter Johnson	M-G-M
1945	Here Come the Co-Eds	Oliver Quackenbush	Slats McCarthy	Universal
1945	The Naughty Nineties	Sebastian Dinwiddie	Dexter Broadhurst	Universal
1945	Abbott and Costello in Hollywood	Abercrombie	Buzz Kurtis	Última película pa M-G-M
1946	Little Giant	Benny Miller	John Morrison/Tom Chandler	Universal
1946	The Time of Their Lives	Horatio Prim	Cuthbert/Dr. Greenway	Universal
1947	Buck Privates Come Home	Herbie Brown	Slicker Smith	Remortina de Buck Privates, Universal
1947	The Wistful Widow of Wagon Gap	Chester Wooley	Duke Egan	Universal
1948]]	The Noose Hangs High	Tommy Hinchcliffe	Ted Higgins	Eagle-Lion
1948	Abbott and Costello Meet Frankenstein	Wilbur Gray	Chick Young	Universal
1948	Mexican Hayride	Joe Bascom/Humphrey Fish	Harry Lambert	Universal
1949	Africa Screams	Stanley Livington	Buzz Johnson	United Artists
1949	Abbott and Costello Meet the Killer, Boris Karloff	Freddie Phillips	Casey Edwards	Universal
1950	Abbott and Costello in the Foreign Legion	Lou Hotchkiss	Bud Jones	Universal
1951	Abbott and Costello Meet the Invisible Man	Lou Francis	Bud Alexander	Universal
1951	Comin' Round the Mountain	Wilbert Smith	Al Stewart	Universal
1952	Jack and the Beanstalk	Jack	Mr. Dinklepuss	En color; Warner Bros.
1952	Lost in Alaska	George Bell	Tom Watson	Universal
1952	Abbott and Costello Meet Captain Kidd	Oliver "Puddin' Head" Johnson	Rocky Stonebridge	En color; Warner Bros.
1953	Abbott and Costello Go to Mars	Orville	Lester	Universal
1953	Abbott and Costello Meet Dr. Jekyll and Mr. Hyde	Tubby	Slim	Universal
1955	Abbott and Costello Meet the Keystone Kops	Willie Piper	Harry Pierce	Universal
1955	Abbott and Costello Meet the Mummy	Costello (erroneously listed in the film as "Freddie Franklin")	Peter Patterson	Universal
1956	Dance with Me, Henry	Lou Henry	Bud Flick	Última película como dúu; United Artists
1959	The 30 Foot Bride of Candy Rock	Artie Pinsetter	-	Lou Costello solo; Columbia
1965	The World of Abbott and Costello			Escoyeta de películes

Abbott y Costello en televisión

Añu	Títulu	Actor	Rol	Notes
1952–1954	The Abbott and Costello Show	Bud Abbott - Lou Costello	Bud and Lou	52 episodios
1958	Wagon Train	Lou Costello	Tobias Jones	Episodiu: "The Tobias Jones Story"
1961	General Electric Theater	Bud Abbott	Ernie Kauffman	Episodiu: "The Joke's On Me" (04/16/61)
1967–1968	The Abbott and Costello Cartoon Show	Bud Abbott	Voz	156 episodios

Ver tamién

• Bud Abbott
• Lou Costello
• El Gordu y el Flacu

Enllaces esternos

• Wikimedia Commons acueye conteníu multimedia sobre Abbott and Costello.
• Sitiu oficial (n'inglés)

• Datos: Q23679
• Multimedia: Abbott and Costello