Acrónimu
En llingüística moderna, un acrónimu (del griegu ἄκρος, como akros, "estremu" y ὄνομα, tr. como ónoma, "nome") pue ser una sigla que se llee como una pallabra y que, pol usu, acaba lexicalizándose la mayoría de les veces (por exemplu laser, Light Amplification by Stimulated Emission of Radiation); o un vocablu formáu al xunir parte de dos pallabres. Esti tipu d'acrónimos funden dos elementos léxicos tomando, cuasi siempres, del primer elementu l'entamu y del segundu'l final.
| Acrónimu | |
|---|---|
| abreviatura | |
 |
El significáu d'un acrónimu ye la suma de los de les dos pallabres que lu formen. Asina, el términu telemática ye un acrónimu de telecomunicación y informática, que ye a la vez un acrónimu d'información y automática.
Lo contrariu del acrónimu ye'l retroacrónimu, que ye un tipu d'acrónimu qu'a lo primero ye una pallabra d'usu avezáu qu'acaba dempués interpretándose como un acrónimu o unes sigles. Un exemplu d'ello ye'l retroacrónimu SOS. Escoyíu como señal internacional d'ausiliu pola facilidá pa escribilu en códigu Morse, axuntóse-y dempués una montonera de significaos qu'a lo primero nun tenía (save our souls, save our ship, send out succour...).
Propiedaes editar
Los acrónimos pueden tar formaos: por dos sustantivos, como en motel, del inglés motor-hotel; d'un axetivu y un sustantivu, como en docudrama, de documental dramáticu; o de dos axetivos, como en spanglish, de spanish y english. Tienen siempres el xéneru del elementu principal, y escríbense y pronúnciense como una pallabra normal.
Delles vegaes estos términos confunden col so significáu, porque usen partes d'otros vocablos que yá teníen usaose primero como raíces cultes. Por exemplu, l'acrónimu "eurocracia" significa "burocracia europea", y non "poder européu", como podía pensase del so sufixu "-cracia", usáu davezu con esi segundu significáu.
Exemplos editar
- Acrónimos ensamaos a partir de les sílabes aniciales de varies pallabres
- Frente Polisariu, (del castellanu) Frente Popular de Liberación de Saguía el Hamra y Río de Oro.
- Estraperlo, de Strauss, Perel y Lowann.
- Radar, del inglés Radio Detection and Ranging (deteición y medición de distancies por radio).
Ver tamién editar
Referencies editar
Enllaces esternos editar
Wikimedia Commons tien conteníu multimedia tocante a Acrónimu.
