Acrecimientu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'acrecimientu o acreción ye un términu que s'usa principalmente n'astrofísica, xeoloxía y meteoroloxía pa designar el crecimientu d'un cuerpu per aciu de l'agregación de la materia d'otros cuerpos menores.
Astronomía
editar
N'Astronomía l'acrecimientu designa la captura de materia por un astru baxo l'efectu de la gravitación.
L'acrecimientu produzse en numberosos contestos astrofísicos, cuando un oxetu compactu s'alcuentra nun entornu de materia difusa, principalmente:
- les estrelles en formación
- los planetes en formación.
- les novae.
- los furacos prietos, principalmente nos nucleos activos de galaxes.
L'acrecimientu tresforma la enerxía mecánico del sistema oxetu-materia n' enerxía térmico (calor) y, en consecuencia, en radiación.
Xeoloxía
editarEn Xeoloxía conozse como acrecimientu (Acreción continental), el fenómenu de medra d'una rexón continental o oceánica por aportación de materia. Por exemplu, les islles volcániques y los atolones nacen por acrecimientu.
Nel casu de les islles volcániques, les erupciones volcániques, col desprendimientu de llava que provoquen , aporten la materia. Al acumulase col pasu del tiempu, esta llava pue aportar a la superficie de l'agua y elevase penriba d'ella.
Polo que respeuta a los atolones, el coral va posando nos bordes somorguiaos d'una islla, formando un arrecife coralín que va creciendo hasta llegar a la superficie de l'agua. Fórmase una barrera natural que reduz l'efectu de les corrientes marines y aprisiona l'agua ente ella y la costa de la islla, creándose asina una llaguna.
Meteoroloxía
editarEn meteoroloxía llámase acrecimientu al aumentu de talla d'un hidrometeoru en contautu con una gota d'agua y que xela nel momentu del impautu.
Referencies
editarEnllaces esternos
editar
Wikimedia Commons tien conteníu multimedia tocante a Acrecimientu.
Datos: Q419978
