Adela Azcuy
Adela Azcuy Labrador (18 de marzu de 1861, Viñales – 14 de marzu de 1914, L'Habana) foi una patriota cubana que participó na guerra d'independencia del so país. D'una personalidá inquieta, practicó dende bien nueva'l manexu de les armes y tamién cultivó'l so intelectu, llegando a escribir poemes. Casóse en 1886, pero'l so maríu finó de viruela. Cinco años dempués casóse col español Castor del Moral, mas sicasí la rellación nun progresó por cuenta de les sos posiciones polítiques con respectu al destín de Cuba.
Adela Azcuy | |
|---|---|
 | |
| Vida | |
| Nacimientu | Viñales, 18 de marzu de 1861 |
| Nacionalidá |
 Cuba |
| Muerte | L'Habana, 14 de marzu de 1914 (52 años) |
| Oficiu | enfermera |
 | |
Nel añu 1896 formó parte de la milicia del teniente coronel Miguel Lores en Gramales onde, a pesar de les reticencies pola so condición de muyer, llogró formar parte de la Sanidá Militar. Según un testimoniu:
En Cañes, ente Guane y Mantua, en 1897 y nel estreldu d'una batalla, la señora Azcuy apeóse del caballu pa curar a los mancaos, en momentos de tan grave peligru que los facultativos habíense temporalmente retiráu.[1]
Pasáu'l conflictu, nel qu'Azcuy recibió'l grau de capitán,[2]dedicóse a l'actividá política como Secretaria de la Xunta d'Educación.
Referencies
editar
Datos: Q5657455
Multimedia: Adela Azcuy
