Adela Schuman de Morales
Adela Schuman de Morales (21 d'abril de 1892, Honolulu – 14 de payares de 1981, Panajachel) foi una empresaria guatemaliana que nació en Honolulu, Ḥawai, y llegó a Guatemala ca. 1905 col so padre y ellí fundó dellos emprendimientos y la so familia.
Adela Schuman de Morales | |
|---|---|
 | |
| Vida | |
| Nacimientu | Honolulu, 21 d'abril de 1892 |
| Nacionalidá |
 Guatemala |
| Residencia | Guatemala |
| Muerte | Panajachel, 14 de payares de 1981 (89 años) |
| Fíos/es | 6 |
| Oficiu | empresaria |
 | |
Reseña biográfica
editarEl más célebre de los emprendimientos de Adela S. de Morales (Mama) foi l'Hotel Casa Contenta en Panajachel, Sololá; un iconu del arte de la hotelería; según una xoya culinario y arquitectónico. Los sos panqueques y los sos tamales inda son recordaos por quien tuvieron la felicidá de comelos. Anque la Casa Contenta foi fundada por James y Edith Vinter en 1938, foi Adela de Morales –col so bon gustu y el so compromisu cola excelencia quién la alzó a la categoría d'un destín memorable pa los cinco sentíos ente los años 40 y 60. Mientres los años de la so rellumanza, en casa Contenta agospiábense personaxes internacionales como los escritores Karl Eskelund, Gore Vidal, James A. Michener y Anya Seton; o artistes como Pat Crocker[1] y la fotógrafa Helen S. Williams.[2] Tamién frecuentaben la Casa Contenta artistes guatemalianos como Juan Sisay[3] y Humberto Garavito[4] que los sos cuadros afataben les parés del hotel. La marimba de la Casa Contenta foi un preséu portentosu, obra de Rosendo Barrios. [L'Hotel Casa Contenta] ye famosu en tol país; y [Mama] ye la más venerada y fascinante hotelera de Guatemala, dixo d'ella un reportaxe por Margarite Allen, publicáu nel Omaha World-Herald.
La estación de bomberos de Panajachel lleva'l so nome.
Antes de ser propietaria y de dirixir l'Hotel Casa Contenta, Adela de Morales crio caballos de carrera, una afición qu'heredó del so padre Emil Schuman que se dedicaba al mesmu negociu y al de carruaxes pa toes ocasiones. Ella tamién importaba animales y plantes exótiques –ella traxo a Guatemala los primeros perros dálmata y gran daneses, y traía gochos y reses de raza, a ella débense-y les flores conocíes como aves del paraísu nestes tierres–. Los gatos de Marta Lainfiesta d'Allugo fuéron-y vendíos por Adela. Tuvo una llechería, vendía fiambre y –mientres la Gran Recesión cuando'l negociu de los caballos taba en decadencia– faía vistíos pa mengalas y vender.
Adela de Morales foi fía de Emil Schuman, alemán; y de Minnie Hart, ḥawaiana. En 1912 casóse con Federico Chacón Allugo con quien tuvo trés fíos: Emilio, Frances y René; depués del so divorciu con él casóse con Víctor Morales Polanco en 1922 y con él procreó a Jorge, Adela (heredera de la tradición hotelera de Mama en Panajachel) y Janet.
Adela Schuman Hart de Morales finó en Panajachel el 14 de payares de 1981.
Referencies
editar- ↑ J. Long (1 de marzu de 2009). «Pat Crocker, Artist and Architect» (inglés). Archiváu dende l'orixinal, el 2021-05-13. Consultáu'l September, 26, 2016.
- ↑ Susan Frost. «Susan Frost.org» (inglés). http://www.susanfrost.org/index.php?option=com_content&view=article&id=83&Itemid=222.+Archiváu dende l'orixinal, el 2018-06-22. Consultáu'l 26 de setiembre de 2016.
- ↑ «Juan Sisay» (castellanu). Archiváu dende l'orixinal, el 2017-05-01. Consultáu'l 27 de setiembre de 2016.
- ↑ «Humberto Garavito». Archiváu dende l'orixinal, el 2017-05-13. Consultáu'l 26 de setiembre de 2016.
Enllaces esternos
editar
Datos: Q28501845
