Adelaida de París
Adelaida de París o Aélis (850 (greg.), París – 10 de payares de 901, Laon) foi la segunda esposa de Luis el Tatexu, rei de Francia Occidental, y foi la madre de la princesa Ermentruda y el rei Carlos el Simple.
Adelaida de París | |
|---|---|
 | |
| Vida | |
| Nacimientu | París, 850 (greg.) |
| Muerte | Laon, 10 de payares de 901 (50/51 años) |
| Familia | |
| Padre | Adalard of Paris |
| Madre | Hedwig von Buchau |
| Casada con |
Luis II de Francia (es)  (875 (Gregorianu) – )[1] |
| Fíos/es | |
| Hermanos/es |
Wulfhard of Flavigny (en) |
| Pueblu | Taillefer |
| Oficiu | reina |
 | |
Vida
editarAdelaida yera la fía del conde palatín Adelardo de París. El so bisagüelu foi Begón, conde de París. La so bisagüela, Alpaïs, esposa de Begón, yera fía illexítima de Ludovico Pío, d'una amante de nome desconocíu.
Adelaida foi escoyida por Carlos el Calvo, rei de Francia Occidental, por que se casara col so fíu y herederu, Luis el Tatexu, a pesar del fechu de que Luis se casó de callao con Ansgarda de Borgoña contra los deseos del so padre. Anque Luis y Ansgarda teníen yá dos fíos, Lluis y Carlomán, Carlos prevaleció sobre'l papa Xuan VIII, pa eslleir la unión. Llográu esto, Carlos casó al so fíu con Adelaida en febreru de 875.
Sicasí, el matrimoniu foi puestu en dulda debíu al parentescu de la pareya. Cuando'l 7 de setiembre de 878 el papa coronó a Luis (qu'asocediera al so padre l'añu anterior), el papa refugó coronar a Adelaida.[3]
Cuando Luis el Tatexu morrió en Compiegne el 10 d'abril de 879, Adelaida taba embarazada, dando a lluz el 17 de setiembre de 879, a Carlos el Simple.[4] La nacencia d'esti fíu llevó a una disputa ente Adelaida y Ansgarda. Ansgarda y los sos fíos acusaron a Adelaida d'adulteriu; Adelaida de la mesma aldericó'l derechu al heriedu de los fíos de Ansgarda. A la fin, Adelaida trunfó ganando'l casu; pero a pesar d'esto, los fíos de Ansgarda Luis y Carlomán fueron reis hasta la so muerte ensin herederos en 882 y 884 respeutivamente, cola corona aldericada ente Odón, conde de París y Carlos el Calvo.
Carlos a la fin asocedió nel tronu del so padre en 898; la so madre ayudó a coronalo. Ella morrió en Laon el 10 de payares de 901 y foi soterrada na abadía de Saint-Corneille, Compiègne, Picardía.[5]
Referencies
editar- ↑ 1,0 1,1 Afirmao en: Kindred Britain.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
- ↑ McKitterick, Rosamond (2005). New Cambridge Medieval History. Cambridge University Press, páx. 136. ISBN 0-521-36292-X.
- ↑ McKitterick, Rosamond (2005). New Cambridge Medieval History. Cambridge University Press, páx. 138. ISBN 0-521-36292-X.
- ↑ My Lines Accesu'l 6 de xineru de 2009
Wikimedia Commons acueye conteníu multimedia sobre Adelaida de París.
| Predecesor: Riquilda de Provenza |
Reina consorte de Francia Occidental 877-879 |
Socesor: Ricarda de Andlau |
Datos: Q254095- Multimedia: Adelaide of Frioul
