Calendariu gregorianu

El calendariu gregorianu ye'l calendariu actualmente utilizáu na mayor parte del mundu. Concibíu por un ensame de científicos baxo la direición de Christophorus Clavius pa corrixir la deriva secular del calendariu xulianu, utilizáu dende que Xuliu César lu instaurare nel añu 46 e.C.[1]. La so denominación lleva'l nome del so impulsor Gregoriu XIII, papa de 1572 a 1585. El so puntu de partida, l'añu 1, correspuende al añu estimáu como'l de la nacencia de Xesús de Nazareth.

Calendariu gregorianu
calendario aritmético (es) Traducir, calendario solar (es) Traducir y escala de intervalo (es) Traducir
Historia y usu
Apertura1r xineru 1752
Orixe del nome Gregorio XIII (es) Traducir
Instalaciones
Formáu por Gregorian dominical cycle (en) Traducir, mes, año natural (es) Traducir, selmana, día y 1910
Cambiar los datos en Wikidata
El xesuita alemán Christopher Clavius. Xunto con Lilio foi'l miembru más destacáu de la Comisión del Calendariu. El cráter más grande de la Lluna lleva'l so nome

Historia editar

La reforma gregoriana naz de la necesidá de llevar a la práutica unu de los acuerdos del Conceyu de Trento: el d'axustar el calendariu pa desaniciar el desfase producíu dende un conceyu anterior, el primer conceyu de Nicea, de 325,[2] nel que s'afitara'l momentu astral nel qu'habíen celebrase la pascua y, con rellación a esta, les demás fiestes relixoses móviles. Lo qu'importaba yera la regularidá del calendariu llitúrxicu, pa lo que yera necesario introducir delles correiciones nel civil. Nel fondu, el problema yera acomodar el calendariu civil al añu trópicu.

Nel I Conceyu de Nicea determinóse que se conmemorare la Pascua el domingu siguiente al plenilluniu posterior al equinocciu de primavera (nel hemisferiu norte; equinocciu de seronda nel hemisferiu sur). Aquel añu 325 l'equinocciu ocurriera'l día 21 de marzu,[3] pero col pasu del tiempu la fecha del eventu fora adelantándose hasta'l puntu de qu'en 1582, el desfase yera yá de 10 díes, y l'equinocciu fechóse nel 11 de marzu.

Ver tamién editar

Referencies editar

  1. El calendariu xulianu yera básicamente'l calendariu exipcianu, el primer calendariu solar conocíu qu'establez l'añu de 365,25 díes
  2. El Conceyu de Nicea foi'l primer gran conceyu ecuménicu de la Cristiandá, convocáu pol emperador Constantín
  3. Dende l'añu 45 e.C. hasta'l 325 trescurrieren 370 años, dando llugar a un adelantu de cuasi trés díes na datación. Na fecha de celebración del primer conceyu de Nicea los equinoccios tuvieron llugar los díes 21 de marzu y 21 de setiembre, y los solsticios foron los díes 21 d'avientu y 21 de xunu. Pero, mientres tuvo en vigor el calendariu xulianu, estos acontecimientos tuvieron llugar los díes 24 de los respeutivos meses. Como col solsticiu de branu y d'iviernu ocurren la nueche más curtia y la más llarga, les celebraciones paganes d'estes efemérides nocheriegues pervivieron hasta güei, anque cristianizaes baxo les advocaciones de San Xuan Bautista (Nueche de San Xuan) y de la Navidá (Nueche Bona), pero yá nun coinciden colos respeutivos solsticios.

Enllaces esternos editar