Aeropuertu Internacional Sabiha Gökçen

L'Aeropuertu Internacional Sabiha Gökçen (códigu IATA: SAW, códigu OACI: LTFJ) ye unu de los aeropuertos que sirven a la ciudá d'Istambul, Turquía. Esti aeropuertu recibe'l so nome de Sabiha Gökçen, la primer pilotu de combate del mundu. Alcuéntrase nel llau asiáticu de la ciudá d'Istambul. Foi construyíu porque l'Aeropuertu Internacional Atatürk (nel llau européu) nun yera abondo grande para atender la elevada medría de pasaxeros (tanto domésticos como internacionales). La terminal internacional tien una capacidá de 3 millones de pasaxeros/añu y la terminal doméstica tien una capacidá de 0.5 millones de pasaxeros/añu. En xunu de 2007, el conglomeráu turcu Limak, l'indiu GMR group y Malaysia Airport Holding Berhad (MAHB) llograron el contratu para ameyorar y caltener l'aeropuertu. A mediaos de 2008, empezáronse les obres para aumentar la capacidá de la terminal internacional hasta los diez millones de pasaxeros añales.

Aeropuertu Internacional Sabiha Gökçen
aeropuertu internacional, aeropuertu y aeródromu de tráficu comercial
IATA: SAW • OACI: LTFJ
Llocalización
País	Turquía
Provincia	provincia d'Istanbul
Distritu	Pendik
Coordenaes	40°53′54″N 29°18′33″E
Aeropuertu Internacional Sabiha Gökçen Aeropuertu Internacional Sabiha Gökçen (Turquía)
Altitú	94,8 m
Historia y usu
Xestión	Malaysia Airports Holdings Berhad (es)
Orixe del nome	Sabiha Gökçen Estambul
Aeropuertu
Ciudá a la que sirve	Estambul
Web oficial

Enllaces esternos

• Datos: Q723622
• Multimedia: Sabiha Gökçen International Airport