Sabiha Gökçen
Sabiha Gökçen (22 de marzu de 1913, Bursa – 22 de marzu de 2001, Ankara) foi una militar y aviadora, conocida por ser la primer aviadora de combate nel mundu y la primer muyer aviadora de Turquía, a la edá de 23 años.[4][5] Foi tamién una de los ocho neños adoptaos de Mustafa Kemal Atatürk.
Sabiha Gökçen | |
|---|---|
 | |
| Vida | |
| Nacimientu | Bursa[1], 22 de marzu de 1913[2] |
| Nacionalidá |
 Turquía  Montenegru |
| Muerte | Ankara[3], 22 de marzu de 2001[2] (88 años) |
| Sepultura |
Military Cemetery of Cebeci (en)  |
| Familia | |
| Padre | Mustafa Kemal Atatürk |
| Estudios | |
| Estudios |
Üsküdar American Academy (en) |
| Llingües falaes | turcu |
| Oficiu | aviadora, militar |
| Premios | |
 | |
Biografía
editarLos oríxenes de Sabiha Gökçen nun tán claros. Según la historiografía oficial turca, foi adoptada por Atatürk mientres una visita d'ésti a Bursa en 1925, al tener conocencia de les males condiciones en que vivía. Sabiha convirtióse asina n'otra de los neños adoptaos por Atatürk, morando nel Palaciu Presidencial d'Ankara. Realizó los sos estudios na capital turca y n'Istambul. Dende mozu viose estelada pel mundu de l'aeronáutica.
En 1936 entró na Academia de la Fuercia Aérea Turca, realizando amás un cursu de formación na Xunión Soviética; darréu llogró la so llicencia de pilotu. Mientres los 28 años que tuvo na Fuercia aérea, realizó 8.000 hores de vuelu y probó 22 tipos d'aviones.[6] N'ingresando na Fuercia Aérea Turca, en xunu de 1937 realizó amás el so primer serviciu de guerra bombardiando les posiciones de rebeldes curdos mientres la Rebelión de Dersim.[7] En 1938, poco primero de la muerte de la so mentor, realizó un esitosu raid aereu poles capitales de los Balcanes que-y dio gran celebridá.
Sabiha convirtióse asina nel símbolu de la nueva Turquía republicana, moderna y secular, que Atatürk encarnaba.[5]
Homenaxes
editarEl segundu aeropuertu d'Istambul foi nomáu Aeropuertu Internacional Sabiha Gökçen nel so honor.[8]
Foi escoyida p'apaecer nel póster "Los 20 aviadores más grandes de les hestoria" de la Fuercia Aérea de los Estaos Xuníos en 1996, siendo la única muyer nel póster.[6] El buscador Google'l 22 de marzu de 2009 camudó'l so logo na so versión turca pa homenaxala.
Referencies
editar- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 29 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Sabiha Gokcen biography, Hargrave Pioneers of Aviation
- ↑ 5,0 5,1 M. Şükrü Hanioğlu (2011). Ataturk: An Intelectual Biography, páx. 210
- ↑ 6,0 6,1 Rosalind Miles, Robin Cross (2011). Warrior Women: 3000 Years of Courage and Heroism, páx.275
- ↑ Sylvia Kedourie (2000). Seventy-five Years of the Turkish Republic, páx. 21
- ↑ Peter J. Munson (2013). War, Welfare & Democracy: Rethinking America's Quest for the End of History, páx. 151
Enllaces esternos
editar
Wikimedia Commons acueye conteníu multimedia sobre Sabiha Gökçen.
Datos: Q459104- Multimedia: Sabiha Gökçen
