Abrir el menú principal

ClasificaciónEditar

Esti taxón ye práuticamente idénticu a la clase Homobasidiomycetes definida por Hibbett y Thorn en 2001,[4] pero inclúi a los órdenes Auriculariales y Sebacinales.[5] Los Agaricomicetes pueden ser definíos escluyendo de la subclase Agaricomycotina a los taxones Tremellomycetes y Dacrymycetes, que xeneralmente son consideraos fungos xelatinosos (Heterobasidiomycetes). Casos como'l del xéneru Auricularia, de cutiu descritu como un fungu xelatinosu, tán agora clasificaos dientro de los Agaricomycetes.

Anque la morfoloxía de la cogorda o cuerpu granible foi la base de la clasificación inicial de los fungos que güei s'inclúin na clase Agaricomycetes,[6] anguaño yá nun se sigue esi criteriu. Por casu, la distinción ente Gasteromycetes (bejines) y en restu de les cogordes yá nun se reconoz como una separación natural. Sicasí, la mayoría de guíes de cogordes inda describen los bejines de forma separada al restu de fungos, porque l'antigua clasificación de Fries ye útil pa identificar y determinar les especies con base na morfoloxía de los sos cuerpos granibles. Les clasificaciones modernes nun inclúin l'antiguu orde de fungos gasteroides Lycoperdales, estremándolo y asitiando nos órdenes Agaricales y Phallales les especies qu'ésti incluyía.

Carauterístiques y hábitatEditar

Tolos miembros d'esta clase producen basidiocarpos de bien diversos tamaños, dende diminutes cogordes d'unos pocos milímetros hasta poliporos xigantes de cuasi un metro de diámetru y un pesu d'hasta 130 kilogramos. El grupu tamién inclúi los que podríen considerase los organismos individuales más grandes y antiguos de la Tierra, como dellos individuos del fungu Armillaria gallica, que'l so miceliu envalórase que llegó a estendese sobre unos 150.000 metros cuadraos, algamáu un pesu de 10 tonelaes y una edá de 1.500 años.[7]

Cuasi toles especies de Agaricomycetes son terrestres, salvu dalgunes que son acuátiques, y puédese-yos atopar nuna gran diversidá de hábitats nos que suelen actuar como saprótrofo, especialmente de madera y restos vexetales. Sicasí, delles especies son patóxenos o parásitos, y otres son simbiontes, formando micorrices con munches especies d'árboles.

ReferenciesEditar

  1. Kirk, P.M.; Cannon, P.F.; Minter, D.W.; Stalpers J.A. (2008). Dictionary of the Fungi, 10ª, Wallingford: CABI, 12-13. ISBN 0-85199-826-7.
  2. «Agaricomycetes» (n'inglés), Catalogue of Life (2010 Annual Checklist), Sistema Integráu d'Información Taxonómica (ITIS), http://www.catalogueoflife.org/annual-checklist/2010/browse/tree/id/2246124, consultáu 'l 15 de mayu de 2010 
  3. «Agaricomycetes» (n'inglés), Centru Nacional pa la Información Biotecnolóxica, National Library of Medicine (NLM), http://www.ncbi.nlm.nih.gov/Taxonomy/Browser/wwwtax.cgi?id=155619 
  4. Hibbett, D.S.; Thorn, R.G. (2001). en McLaughlin, D.J. et al.: The Mycota VII Parte B. "Systematics and Evolution". Berlin: Springer-Verlag, 121–168.
  5. Hibbett, D.S., et al. (marzu de 2007). «A higher level phylogenetic classification of the Fungi». Mycological Research 111 (5). doi:10.1016/j.mycres.2007.03.004. 
  6. Fries, Y.M. (1874). Hymenomycetes Europaei. Upsaliae.
  7. Smith, M. et al.. «The fungus Armillaria bulbosa is among the largest and oldest living organisms». Nature 356. doi:10.1038/356428a0. 

Enllaces esternosEditar