Agustín Ibarrola

Agustín Ibarrola
Vida
Nacimientu	Basauri, 18 d'agostu de 1930
Nacionalidá	España
Muerte	Galdakao, 17 de payares de 2023 (93 años)
Estudios
Llingües falaes	castellanu
Oficiu	pintor, escultor
	Participante Con Cataluña, con España (es) ;
Trabayos destacaos	Homenaje a las Víctimas del Terrorismo (es)
Movimientu	arte astrauto
Xéneru artísticu	arte astrauto
	agustinibarrola.com

Agustín Ibarrola Goichoechea (18 d'agostu de 1930, Basauri – 17 de payares de 2023, Galdakao) foi un pintor y escultor vascu.

Biografía editar

A los 16 años fai la so primera esposición. En 1948 la Diputación de Vizcaya y l'Ayuntamientu de Bilbao concéden-y una beca pa estudiar en Madrid, treslladándose a la capital hasta 1955.

Realiza delles esposiciones n'España y nel añu 1955 treslládase a París, fundando en 1957 el grupu Equipo 57 xunto a Ángel Duarte, José Duarte, Juan Serrano y Jorge de Oteiza, ente otros. Ésta ye la dómina del constructivismu. L'Equipo 57 disuélvese a finales del añu 1961 pola diversidá de criterios de los sos componentes, asina como pol encarcelamientu d'Ibarrola.

Deteníu pola so militancia comunista, permanez varios años na prisión de Burgos. En 1963, celébrase una esposición de la so obra en Londres onde los sos trabayos merecen que la crítica lu compare col papel que desarrolló Goya na so obra Desastres de la Guerra.

Na década de los 80 entama la so actividá escultórica y la so singular visión de la obra pictórica cola Viesca d'Oma (Omako Basoa), cerca de Gernika, quiciás el so trabayu más conocíu.

Siguiendo'l "formatu" elixíu n'Oma,Ibarrola realiza en Salamanca la conocida como "Viesca Encantada". Trátase d'un llugar, a orielles del ríu Tormes, onde se llantaron una riestra d'húmeros secos, por mor de la enfermedá de la grafiosis, propia d'estos árboles. Con ellos, Ibarrola, xunto con dellos alumnos de la Facultá de Belles Artes de la Universidá de Salamanca creó la citada viesca, decorando los húmeros con motivos de pintura de vivos colores.

Bosque d'Oma

La so obra conxuga l'espíritu vascu col compromisu social coos trabayadores, les xentes más humildes y tiende hacia l'espresionismu.

Una de les sos últimes y espectaculares obres son Los Cubos de la Memoria, nel puertu de Llanes, nel que decoró col so estilu carauterísticu los bloques de proteición del espigón del puertu. Nesta obra collaboraron dellos artistes llaniscos y pueden vese representaos dellos símbolos del conceyu como l'ídolu del Peñatú, la emigración, la mar...

Nos últimos años tuvo venceyáu, como fundador, a la plataforma ¡Basta Ya! de llucha cívica contra'l terrorismu nel País Vascu, siendo conocío qu'Ibarrola ta perseguíu por ETA.

Taba en posesión del Gallardón de la Orde del Méritu Constitucional.

Referencies editar

↑ ^1,0 ^1,1 URL de la referencia: https://www.rtve.es/noticias/20231117/muere-escultor-agustin-ibarrola-93-anos-edad/2461127.shtml. Data de consulta: 17 payares 2023.

Enllaces esternos editar

Páxina web oficial

[afdb9a20557e33fdca31594e603c745101e6e27a-1] 1,0 ^1,1 URL de la referencia: https://www.rtve.es/noticias/20231117/muere-escultor-agustin-ibarrola-93-anos-edad/2461127.shtml. Data de consulta: 17 payares 2023.

[1]