País Vascu

País Vascu
Ikurriña	Escudu del País Vascu
Alministración
País	España
ISO 3166-2	ES-PV
Tipu d'entidá	comunidá autónoma
Capital	Vitoria
Llista de presidentes del País Vascu	Iñigo Urkullu
Nome oficial	Euskal Autonomia Erkidegoa (Euskadi) (eu); País Vasco (es)
Nome llocal	Euskal Herria (eu); Euskadi (eu); País Vasco (es); Euskadi (es)
Llingües oficiales	castellanu ; vascu
División	ver Álava, Guipúzcoa y Vizcaya;
Xeografía
Coordenaes	42°59′N 2°37′W / 42.98°N 2.62°O
Superficie	7234 km²
Llenda con	Navarra, La Rioxa, Cantabria, Castiella y Lleón y Nueva Aquitania
Puntu más altu	Aketegui (es)
Altitú media	876 m
Demografía
Población	2 220 504 hab. (2020)
Densidá	306,95 hab/km²
Más información
Estaya horaria	UTC+01:00 y UTC+02:00
	euskadi.eus

Esti artículu trata sobro la comunidá autónoma española. Pa ver el territoriu comprendíu entre España y Francia, Euskal Herria.

País Vascu o País Bascu^[1] (n'eusquera Euskadi y Euskal Herria o Comunidá Autónoma del País Vascu (n'eusquera Euskal Autonomia Erkidegoa) ye una comunidá autónoma y nacionalidá histórica^[2] asitiada nel norte d'España, llendando al norte col Mar Cantábricu y Francia, al sur con La Rioxa, Castiella y Llión y la Comunidá Foral de Navarra, al oeste con Cantabria y al este con Navarra. La capital de facto ye Vitoria. Igualmente, Navarra tien derechu a integrase n'Euskadi, acordies col Estatutu d'Autonomía, el Amejoramiento del Fuero, y la disposición transitoria cuarta de la Constitución española. L'enclave de Treviño (Burgos) y el Valle de Villaverde (Cantabria) tienen tamién la posibilidá d'integrase nel País Vascu.^[3]

El nome de País Vascu, pa delles persones, tamién ye una rexón cultural asitiada en dambos llaos de los Pirineos ocupando, los territorios de Vizcaya, Guipúzcoa, Álava y Navarra n'España, y de Zuberoa, Baxa Navarra y Lapurdi en Francia, nomada Euskal Herria ("Pueblu Vascu") n'euskara. Les provincies nel Estáu Español nómense Hegoalde ("Fastera sur") y les provincies nel Estáu Francés, Iparralde ("Fastera norte").

Pese al pequeñu territoriu, la comunidá autónoma concentra un gran volume d'industries y ye una de les fasteres más riques d'España.

Provincies editar

La Comunidá Autónoma del País Vascu ta dixebrada nes siguientes provincies:

Álava - Araba. Capital: Vitoria - Gasteiz

Guipúzcoa - Gipuzkoa. Capital: San Sebastián - Donostia

Vizcaya - Bizkaia. Capital: Bilbao - Bilbo

Conceyos más poblaos (2006)^[4]
Posición	Conceyu	Población
1ª	Bilbao	354.145
2ª	Vitoria	227.568
3ª	San Sebastián	183.308
4ª	Barakaldo	95.640
5ª	Getxo	82.327
6ª	Irún	60.261
7ª	Portugalete	49.118
8ª	Santurce	47.320
9ª	Basauri	45.085
10ª	Errenteria	37.853