Al Thalimain Prior
Al Thalimain Prior (λ Aquilae / λ Aql / 16 Aquilae)[8] ye una estrella na constelación del Águila de magnitú aparente +3,42.
Nome
editarλ Aquilae comparte'l nome de Al Thalimain con ι Aquilae. Dichu términu provién del árabe الثالمين, ath-thalīmain, que'l so significáu ye «los Dos Avestruces». La pallabra «Prior» utilizóse pa indicar que λ Aquilae preciede a ι Aquilae nel so movimientu al traviés del cielu.
Coles mesmes, esta estrella yera conocida na astronomía china, xunto a 14 Aquilae, 15 Aquilae y otres estrelles de la vecina constelación de Scutum, como Tseen Peen, «el Cascu Celestial».[9]
Carauterístiques
editarAsitiada a 125 años lluz del Sistema Solar, Al Thalimain Prior ye una estrella blancu-azulada de la secuencia principal de tipu espectral B9Vn. Con una temperatura superficial de 11.500 K, relluma con una lluminosidá —incluyendo la radiación emitida nel ultravioleta— 84 vegaes superior a la lluminosidá solar. El so diámetru y la so masa son, respeutivamente, 2,3 y 2,8 vegaes mayores que los del Sol. La so velocidá de rotación ye de 133 km/s —siendo ésti una llende inferior, una y bones lo que se repara ye la velocidá proyeutada—, completando un xiru cada 21 hores.[10]
Al Thalimain Prior ye una estrella nueva que la so edá envalorada ye de 425 millones d'años; conforme vaya evolucionando va tresformar nuna xigante pa terminar la so vida como una nana blanca con una masa de 0,7 mases solares.[10]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ Christopher J. Corbally (xunetu 2017). «The Discovery of λ Bootis Stars: The Southern Survey I». The Astronomical Journal (1). doi:.
- ↑ Lambda Aquilae (SIMBAD)
- ↑ Allen, Richard Hinckley (1889). «Aquila», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 21 d'agostu de 2012.
- ↑ 10,0 10,1 Al Thalimain Prior (Stars, Jim Kaler)
Coordenaes: 
19h 6m 14.939s, -4° 52′ 57.226″
Datos: Q1475897
