Alaska septentrional

L'área d'Alaska septentrional ye una rexón de los Estaos Xuníos que abarca'l norte del Estáu dende'l círculu polar árticu hasta'l océanu Árticu. La zona inclúi los borough de North Slope, del Noroeste Árticu, área censal de Nome y parte del Yukón-Koyukuk. Les sos principales localidaes son Prudhoe Bay, Barrow, Kotzebue, Nome y Galena.

Mapa de la Rexón Ártica, Alaska en color verde llima. El círculu polar apaez n'azul.

La mayor parte de la rexón nun tien autopistes, polo que los únicos medios de tresporte son les aeronaves y les motonieve, en dambos casos dependiendo del tiempu. Los ciudadanos de la zona subsisten gracies a la caza y a la pesca de ballenes y salmón ente otres especies marines. El norte ye amás ricu n'oru y en petroleu.

No tocante al ecosistema, el territoriu ye na so totalidá tundra formáu por cordales y llanures mariniegues que sirven d'hábitat pa osos, llobos, oveyes, gües, renos y diverses especies d'aves. La mariña septentrional ta definida como una ecorrexón de la Tundra Costera del Árticu. Otres reserves naturales son Abellugu Nacional del Árticu, el Parque nacional y Reserva Puertes del Árticu y la Reserva Petrolífera d'Alaska.

Enllaces esternos

• Regions of Alaska, including description of Far North Alaska

• Datos: Q3245148