Abrir el menú principal

Alcíone, Alcyone o Alcyon (η Tauri / η Tau / 25 Tauri)[1] ye la estrella más brillosa del cúmulu abiertu de les Pléyades na constelación de Tauru. La so magnitú aparente ye +2,85 y alcuéntrase a unos 440 años lluz de distancia.

Alcíone A
Alcyon (star).jpg
Constelación Tauru
Ascensión reuta α 03h 47min 29,1s
Declinación δ +24º 06' 18
Distancia 440 años lluz (aprox)
Magnitú visual +2,85
Magnitú absoluta -2,41
Lluminosidá 2400 soles
Temperatura 13.000 K
Masa 6 soles
Radiu 10 soles
Tipu espectral B7IIIe
Velocidá radial +10,1 km/s
Otros nomes HD 23630 / HR 1165
HIP 17702 / SAO 76199

Índiz

NomeEditar

Alcíone representa nel firmamentu a una de los siete pléyades, fíes d'Atles y Pléyone. Los antiguos árabes llamaron a esta estrella Al Jauz, «la nuez», Al Jauzah o Al Wasaṭ, «la central», y Al Naʼdir, «la brillosa». El Darréu, Al Achsasi añedió a esta llista'l nome de Thaur al Thurayya, lliteralmente «el Toru del Pléyades», probablemente un títulu corriente na so dómina.[2]

En Babilonia η Tauri señalaba la cuarta constelación eclíptica, Temennu, «la Primer Piedra». Na India esta estrella constituyía la unión ente les nakshatres Krittikā y Rohinī, ya individualmente yera Amba, «la Madre».[2]

Carauterístiques físiquesEditar

Alcíone ye una estrella múltiple que la so componente principal, Alcíone A, tien una lluminosidá 2400 vegaes mayor que la lluminosidá solar y una temperatura superficial de cerca de 13.000 K. Ye, de la mesma, una binaria eclipsante compuesta por dos estrelles xigantes de tipu espectral B separaes 0,031 segundos d'arcu. La gran velocidá de rotación de Alcíone A —más de 200 km/s— provoca que sala despidíu gas dende'l so ecuador, formando un discu alredor de la estrella, siendo Alcíone A una estrella Be.[3][4]

En redol a Alcíone A hai trés compañeres estelares. Alcíone B y Alcíone C son dos estrelles blanques de tipu espectral A0V y magnitú 8, dixebraes de la estrella principal 117 y 181 segundos d'arcu respeutivamente. Alcíone C ye una variable Delta Scuti, que'l so rellumu bazcuya ente magnitú +8,25 y +8,30 nun periodu de 1,13 hores. La tercera acompañante, Alcíone D, ye una estrella de la secuencia principal de tipu F2 de magnitú +8,7 separada 191 segundos d'arcu de la componente A.[4]

ReferenciesEditar

  1. Name Alcyone - Be Star (SIMBAD)
  2. 2,0 2,1 Allen, Richard Hinckley (1889). «Taurus, the Bull», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 4 de febreru de 2011.
  3. Alcyone (Stars, Jim Kaler)
  4. 4,0 4,1 Alcyone (The Internet Encyclopedia of Science)

Enllaces esternosEditar