Alcedo meninting
Alcedo meninting[2] ye una especie d'ave coraciforme de la familia Alcedinidae que vive nel sur d'Asia. Alcuéntrase principalmente nos montes trupos onde caza nos pequeños regueros. Ye de tonos más escuros que'l Samartín (Alcedo atthis y escarez de la so llista postocular ablonda, qu'amás s'atopa en hábitats más abiertos.
Alcedo meninting  | ||
|---|---|---|
_(8071061758).jpg) | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Coraciiformes | |
| Familia: | Alcedinidae | |
| Xéneru: | Alcedo | |
| Especie: |
A. meninting Horsfield, 1821 | |
| Consultes | ||
| [editar datos en Wikidata] | ||
Descripción
editar_-_Flickr_-_Lip_Kee_(1).jpg)
Mide alredor de 16 cm de llargu, de los qu'alredor de 4 cm correspuenden al picu y solo 3 cm a lo cabero, y tienen ales que miden ente los 6,5–7,1 cm.[3] Son bien paecíos al Samartín o verderríos (Alcedo atthis) pero estrémase d'él poles sos coberteres auriculares azules, que les partes cimeres de cabeza y ales son d'un azul cobaltu más escuru y que'l color ablondu de les partes inferiores ye de tonos más intensos y escuros. Los machos adultos estrémense de les femes porque tienen el picu totalmente negru ente que les femes tienen el quexal inferior acoloratáu. Reconócense delles subespecies que s'estremen poles sos midíes y les tonalidaes del color. El xuvenil de Alcedo meninting tien coberteres auriculares ablondes como les del samartín común pero presenten motes nel gargüelu y pechu que sumen al llegar a adultos. Les aves nueves tienen el picu acoloratáu cola punta ablancazada.[4][5]
Taxonomía
editarReconócense delles subespecies distribuciones a lo llargo del so estensu área de distribución, con delles variaciones nos tonos del plumaxe y les sos midíes:[6][7]
- A. m. coltarti (Stuart Baker, 1919) - presente nel subcontinente Indiu, Myanmar, Tailandia y Indochina. Dalgunos estremen la forma laubmanni (Mathews, 1925) del este de la India
- A. m. phillipsi (Stuart Baker, 1927) en Sri Lanka y ye más grande y de un azul más escuru. Dellos taxónomos acútenla a la población de Sri Lanka ente que dellos autores antiguos estienden la so distribución hasta'l sur de los Ghats occidentales na India.
- A. m. rufigastra (Walden, 1873) presente en islles Andaman, con tonos verdosos nes partes cimeres azules.
- A. m. scintillans (Stuart Baker, 1919) nel sur de Myanmar y Tailandia.
- A. m. verreauxii (De La Berge, 1851) en Malasia hasta'l archipiélagu de Riau y en Borneo y archipiélagu de Joló pel este.
- A. m. meninting (Horsfield, 1821) nes islles de la Sonda, sacante Borneo, hasta les islles Sula.
Según otros autores amás esistiríen les subespecies callima, subviridis y proxima pero nun son reconocíes xeneralizadamente.
Distribución y hábitat
editarEstiéndense pel sur d'Asia, dende'l subcontinente indiu hasta'l sureste asiáticu, llegando a les islles de la Sonda más orientales. El so hábitat más común son les poces y regueros nes selves trupes, hasta altitúes de 1000 msnm, dacuando alcuéntrase nos manglares.
Comportamientu
editarEl samartín meninting ye una ave sedentaria na totalidá del so área de dististribución. Pósense sobre cañes que cuelguen percima de regueros, xeneralmente los montes trupu y avesíu, dende ehí lláncense p'atrapar pexes, crustáceos y canesbes de libélula. Tamién puen atrapar otros inseutos como saltapraos y mantis.[8]
La dómina de cría produzse principalmente ente mayu y xunu. Añera nel interior d'un túnel d'hasta un metru de llargor, escaváu nuna turria arenosa d'un regueru forestal, onde ponen ente cinco y siete güevos blancos cuasi esféricos.[4]
Referencies
editar- ↑ BirdLife International (2012). «'Alcedo meninting'» (inglés). Llista Roxa d'especies amenazaes de la UICN 2012.1. Consultáu'l 8 de febreru de 2013.
- ↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Sexta parte: Coliiformes, Trogoniformes y Coraciiformes)». Ardeola. Handbook of the Birds of the World (Madrid: SEO/BirdLife) 48 (1): páxs. 107-110. ISSN 0570-7358. https://www.seo.org/wp-content/uploads/tmp/docs/vol_48_1_sexto.pdf.
- ↑ «Studies on Philippine kingfishers, II». The Philippine Journal of Science 74: páxs. 367–382. 1941. http://archive.org/stream/act3868.0074.001.umich.edu#page/369/mode/1up/.
- ↑ 4,0 4,1 Ali, S & S.D. Ripley (1983). Handbook of the Birds of India and Pakistan. Volume 4, 2, Oxford University Press, páx. 78–80.
- ↑ Baker, ECS (1927). The Fauna of British India including Ceylon and Burma. Birds. Volume 4, 2, Taylor y Francis, páx. 254–258.
- ↑ Peters, James Lee (1945). Check-list of the Birds of the World. Volume 5. Harvard University Press, páx. 173–174.
- ↑ Baker, ECS (1919). «[Remarks on the subspecies of the Kingfisher Alcedo meninting]». Bulletin of the British Ornithologists' Club 39: páxs. 36–40. http://archive.org/stream/bulletinofb3840191720brit#page/n173/mode/2up/.
- ↑ Becking, JH (1989). Henri Jacob Victor Sody, 1892-1959: His Life and Work. Brill Archive, páx. 188.
Enllaces esternos
editar| Wikispecies tien un artículu sobre Alcedo meninting. |
Wikimedia Commons acueye conteníu multimedia sobre Alcedo meninting.- Semeyes, videos y cantares n'Internet Bird Collection.
Datos: Q32048- Multimedia: Alcedo meninting
Especies: Alcedo meninting
