Alfonso Lacadena

Alfonso Lacadena García-Gallo (21 d'agostu de 1964, Zaragoza – 9 de febreru de 2018, Madrid), foi un arqueólogu, historiador y epigrafista español, unu de los mayores espertos na cultura mayes, especialista na so escritura y nel descifráu de los sos testos. Foi profesor na Universidá Complutense de Madrid.

Alfonso Lacadena
profesor
Vida
Nacimientu	Zaragoza, 21 d'agostu de 1964
Nacionalidá	España
Llingua materna	castellanu
Muerte	Madrid, 9 de febreru de 2018 (53 años)
Causa de la muerte	cáncanu
Estudios
Estudios	Universidá Complutense de Madrid doctoráu
Oficiu	profesor universitariu, escritor, arqueólogu, llingüista, historiador
Emplegadores	Universidá Complutense de Madrid

Biografía

Nacíu en Zaragoza, el profesor Alfonso Lacadena yera especialista en fontes escrites indíxenes mesoamericanes, llingüística maya, escritura náhuatl y lliteratura mesoamericana comparada, autor de numberoses monografíes sobre estes temes. Alumnu del Colexu de La nuesa Señora de l'Alcordanza de Madrid (PP.Xesuites), n'estudiando trés años de Derechu, llicencióse y doctoró n'Historia pola Universidá Complutense, foi Premiu Estraordinariu de Doctoráu (1994-1995) pola so tesis doctoral sobre les grafíes mayes. El 13 d'ochobre de 2011, el Muséu Peabody d'Arqueoloxía y Etnoloxía, de la Universidá de Harvard concedió-y el Premiu Tatiana Proskuriakof poles sos aportaciones al desciframientu de la escritura maya y del náhuatl.

El profesor Lacadena trabayó cola etnia Ch'orti nel oriente de Guatemala, cerca d'Hondures. Escavó nes ruines de Matxakila, na selva del Petén. Estudió testos xeroglíficos en Ek Balam, a unos 50 quilómetros de Chichén Itzá. Coles mesmes, impartió numberosos cursos d'epigrafía tantu n'España como n'América, especialmente en Méxicu, como na Universidá Autónoma de Yucatán y la Universidá Nacional Autónoma de Méxicu.

En 2017 foi homenaxáu nel III Alcuentru de Gramotología celebráu na Universidá Nacional Autónoma de Méxicu. Casáu, yera padre de dos fíos. Finó en 2018 por causa de un cáncer.

Obra

Llibros individuales

• 1995: Evolución formal de las grafías escriturarias mayas: Implicaciones históricas y culturales. Tesis doctoral dirixida por Emma Sánchez Montañés. Universidá Complutense de Madrid (1995).
• 2002: Evolución formal de las grafías escriturarias mayas: implicaciones históricas y culturales. Universidá Complutense. ISBN 84-8466-076-1

Llibros coleutivos

• 1998: Anatomía de una civilización: aproximaciones interdisciplinarias a la cultura maya. Coordináu por: Andrés Ciudad Ruiz, María Yolanda Fernández Marquínez, José Miguel García Campillo, María Josefa Iglesias Ponce de León, Alfonso Lacadena García Gallo, Luis Tomás Sanz Castro. Sociedad Española de Estudios Mayas. ISBN 84-923545-0-X
• 2007: "Stimmen aus Stein, Stimmen aus Papier: Die Hieroglyphenschrift der Maya". En Maya. Könige aus dem Regenwald. Ines de Castro, ed., pp. 78-91. Verlag Gebrüder Gerstenberg, Hildesheim.
• 2009: Migraciones y llegadas: mito, historia y propaganda en los relatos mayas prehispánicos en las tierras bajas. En collaboración con Andrés Ciudad Ruiz en Diásporas, migraciones y exilios en el mundo maya, coord. por Mario Humberto Ruz, Joan García Targa, Andrés Ciudad Ruiz, 2009, ISBN 978-607-02-0612-2, páxs. 57-78.
• 2009. "Apuntes para un estudio de literatura maya antigua". En Text and Context: Yucatec Maya Literature in a Diachronic Perspective/ Texto y Contexto: La Literatura Maya Yucateca en Perspectiva Diacrónica. Antje Gunsenheimer, Tsubasa Okoshi y John F. Chuchiak, eds., pp. 31-52. BAS (Bonner Amerkanistische Studien), Shaker Verlag Aachen, Bonn.
• 2010. "Rituales en una sociedad «sin» reyes: el caso de Río Bec y del edificio A (5N2) en particular". En El ritual en el mundo Maya: de lo privado a lo público (A. Ciudad, M.J. Iglesias y M. Sorroche, eds.), pp. 153-180, Publicaciones de la SEEM nᵘ 9, Sociedad Española de Estudios Mayas, Grupo de Investigación Andalucía-América: Patrimonio Cultural y Relaciones Artísticas, CEPHCIS-UNAM.
• 2011. "Mayan Hieroglyphic Texts as Linguistic Sources". En New Perspectives in Mayan Linguistics. Heriberto Avelino coord., pp. 343-373, Cambridge Scholars Publishing, Newcastle.
• 2011. "La identificación de unidades socio-administrativas en las ciudades mayas clásicas: El caso de Tikal al Petén, Guatemala". En Los investigadores de la Cultura Maya 2009, tomo I, con Jesús Adánez, Andrés Ciudad y María Josefa Iglesiaspp. 1-20, Universidá Autónoma de Campeche y Secretaría de Educación Pública.

Artículos

• 1997: "Afrontar la escasez: el estudio de la América prehispánica". Anales del Museo de América, n.ᵘ 5, 1997, pp. 7-16.
• 2007. "El Mural del Cuarto 22 de Ek’ Balam, Yucatán, México: ritual y profecía de Año Nuevo en el periodo Clásico Maya". Mayab 19, pp. 107-121.
• 2008. "Regional Scribal Traditions: Methodological Implications for the Decipherment of Nahuatl Writing". The PARI Journal, Volume VIII, N.ᵘ 4, Spring 2008, pp. 1-22.
• 2008. "El título lakam: evidencia epigráfica sobre la organización interna tributaria y militar de los reinos mayas del Periodo Clásico". Mayab N. 20, pp. 23-43.
• 2011. "Historia y ritual dinásticos en Machaquilá, Petén, Guatemala". Revista Española de Antropología Americana, Vol. 41, N.ᵘ 1, pp. 205-240.

Obres sobre l'investigador

• Eugenia Gutiérrez: "El métodu Lacadena nel desciframientu de la escritura xeroglífico náhuatl".

Enllaces esternos

• Información de la Universidá Complutense.
• Bibliografía en Dialnet.
• Videu sobre los mayes d'Alfonso Lacadena.
• Entrevista nel programa De frente de Radiu 5.
• Entrevista sobre'l calendariu maya en Radio Euskadi.

• Datos: Q48306177