Algoritmu

En matemátiques ya informática un algoritmu (la pallabra vien del nome del matemáticu persa Al-Khwarizmi) ye un conxuntu finitu d'instrucciones bien definíes pa facer dalguna xera que, dende un estáu inicial, va finar nun estáu final reconocible. Los algoritmos puen implementase en programes d'ordenador, anque delles vegaes con limitaciones; por errores na implementación o limitaciones del ordenador pue pasar que'l programa nun seya quien a executar correutamente l'algoritmu que se pretendía.

Algoritmu
proceso (es) , obra y software

El conceutu d'algoritmu aseméyase al d'una receta, pero munchos algoritmos son muncho más complicaos. De cutio, pa facer la so xera, tienen pasos pa repetir (iterar) o decisiones. Executar correutamente un algoritmu nun quier dicir que se resuelva'l problema, si l'algoritmu ta mal fechu o nun ye apropiáu pal problema.

Puen pensase dellos algoritmos estremaos pa resolver el mesmu problema, con un númberu diferente d'instrucciones, y caún dellos pue necesitar más o menos espaciu o tiempu (complexidad temporal o espacial).

Enllaces esternos

• Datos: Q8366
• Multimedia: Algorithms
• Llibros: Algoritmia