Númberu

Númberu
	oxetu matemáticu

Un númberu^[1] ye una entidá usada pa describir cantidá. Asina yera hasta que s'inventaren los númberos complexos, pa lo qu'hubo que facela mas abierta. Calteniendo les idees de "cantidá" salvo cuando haya orde total, ún puede definir númberu como cualquier elementu de un dominiu d'integridá.

Tipos de númberos

Esquema de los tipos de númberos más conocios.

Númberos naturales

Son los más familiares. Son infinitos y el so símbolu ye N. Dellos exemplos:

1 un
2 dos
3 tres
4 cuatro
5 cinco
6 seis
7 siete
8 ocho
9 nueve
10 diez
11 once
12 dolce
13 trelce
14 catorce
15 quince
16 selce
17 diecisiete
18 dieciocho
19 diecinueve

...

Númberos enteros

Son los formaos polos númberos naturales, más los negativus y el cero. El so símbolu ye Z

Númberos racionales

Son tolos númberos que puen expresase como una fraición de enteros, recordando que los enteros tamién son racionales ya que puen ponese como fraición namás que dividiéndolo por 1. El conxuntu de tolos númberos racionales denótase por Q.

El soconxuntu de los númberos racionales con un númberu finitu de cifres decimales na representación decimal llamense fraiciones decimales o númberos decimales, raramente puede vese denotao por D.

Númberos reales

Los númberos reales, R, puen tener un númberu infinitu y non periódicu de cifres decimales. Los númberos reales que nun son racionales llamense númberos irracionales.

Otros númberos

De los númberos reales puen obtenese por extensión los númberos complexos C, col que ya tenemos un cuerpu alxebraicamente cerráu nel que tou polinómiu con coeficientes complexos puede ser factorizáu.

Tamién se usa pa los conxuntos anteriores la notación:

\mathbb {N} \subset \mathbb {Z} \subset \mathbb {D} \subset \mathbb {Q} \subset \mathbb {R} \subset \mathbb {C}

Les raíces de los polinómios con númberos racionales lleven a los númberos alxebráicos, y aquellos númberos complexos que nun son alxebráicos llámense númberos trascendentales.

Coles unidaes imaxinaries de los complexos obtenemos los cuaterniones H, perdiendo la commutatividá de la multiplicación, y depués podemos llegar a los octoniones, perdiendo l'asociatividá y amás dexándonos un álxebra de división.

Numberales y numberación

Hai qu'estremar los númberos de los numberales, que son los símbolos colos que representamos los númberos. La notación de los númberos como símbolos pue vese en los sistemas numberales.

Referencies

↑ Esti términu apaez nel Diccionariu de l'Academia de la Llingua Asturiana. Ver: Númberu

[1] Esti términu apaez nel Diccionariu de l'Academia de la Llingua Asturiana. Ver: Númberu

[1]