Alta teunoloxía
La teunoloxía punta, tamién llamada última teunoloxía o Alta teunoloxía (pola so traducción lliteral del inglés High-technology o High-tech) ye aquella teunoloxía que s'atopa nel estáu más avanzáu de desarrollu o, cenciellamente, la teunoloxía más avanzada disponible nel momentu. Productos consideraos anguaño d'alta teunoloxía son de cutiu los qu'incorporen la electrónica avanzada d'informática, pero tamién tán los bioteunolóxicos o los de nuevos materiales.
La teunoloxía más avanzada puede apurrir munches ventayes, pero tamién tien riesgos y desventaxes considerable, razón pola cual munches vegaes en campos como la esploración espacial o'l militar optar por teunoloxía certificada, más antigua pero tamién más fiable y n'ocasiones muncho más algamadiza y barata de caltener.
Denominación xenérica
editarNun esiste una clase de téunica específica que se denomine Alta teunoloxía, por cuenta de que'l conceutu camuda col pasu del tiempu, polo qu'un productu espublizáu como "Alta teunoloxía" nos años 60, güei bien pudiera ser consideráu como Baxa Teunoloxía, ye dicir sería consideráu daqué primitivu. La poca claridá que se tien sobre la definición llevó a los departamentos de marketing a describir a tolos productos nuevos y más recién como Alta teunoloxía.
Lo contrario de l'alta teunoloxía ye baxa teunoloxía, en referencia a la teunoloxía simple, de cutiu tradicional o mecánica; por casu, un ábaco ye un dispositivu de cálculu de baxa teunoloxía.
Campos onde más s'utiliza'l términu
editarEn principiu cualquier campu onde s'utilicen teunoloxíes puede utilizar el términu, pero suel ser más habitual en disciplines como:
- Domótica: N'arquiteutura tamién esiste un estilu arquiteutónicu conocíu como High tech d'onde provién el nome de la meyora teunolóxica.
- Informática: tantu na caña de programación, con nuevos algoritmos, como n'equipos cola incorporación de nuevos componentes.
- Telemática: col emplegu de protocolos más eficientes o nuevos algoritmo de compresión.
- Robótica: cola inclusión d'algoritmos d'aprendizaxe más avanzaos ente otros.[1]
- Industria aeroespacial: magar que munches vegaes ye más un tópicu qu'una realidá polos problemes que pueden crear les nueves innovaciones.[2]
- Bioteunoloxía.
- Militar.
Economía
editar
L'alta teunoloxía tien un papel fundamental na economía yá que pa los procesos granibles en delles ocasiones precísase cuntar cola última teunoloxía por qu'asina la Frontera de posibilidaes de producción siempres esti al so máximu posible. Hai de solliñar que dientro de la frontera son los puntos "posibles" de producción, xusto na frontera son los puntos "máximos" de producción y fuera de la frontera son puntos imposibles daos la teunoloxía actual. Equí entra nun puntu importante la teunoloxía, yá que depende d'ella la cantidá que puede producise. Por dar un exemplu, añu a añu la producción d'autos puede aumentar pol gran aumentu de la teunoloxía, al igual que la producción de botelles. Un cambéu na teunoloxía lo que produz ye un movimientu de la curva de producción, si ye pa la izquierda la producción mengua y si ye pa la derecha la producción aumenta, polo qu'al tener siempres la teunoloxía de vanguardia va optar pola producción máxima posible.
Problemes de la teunoloxía punta
editarUn problema de la teunoloxía puntu ye la poca esperiencia que se tien con ella. En munches ocasiones utilizar esta opción puede acarretar problemes na producción, retrasos nel desarrollu, medríes nos costos, apaición d'inconvenientes inesperaos. Por esta razón, munches empreses ya instituciones prefieren tar en segunda llinia teunolóxica, pero cuntar con equipos que demostraron la so fiabilidá o'l so costu.[2]
Ver tamién
editarReferencies
editar- ↑ «Robots ya industria». Fundación Juan March (25 d'abril de 2016). Consultáu'l 17 de xunu de 2016.
- ↑ 2,0 2,1 Cervera, Pepe (15 de febreru de 2016). «llocures-del-software-militar-obsoleto_1151625/ Tecnología militar: Submarinos nucleares con Windows XP y otres llocures del software militar». El confidencial. Consultáu'l 17 de xunu de 2016.
Datos: Q466410
