Amable González Abín

Amable González Abín
Vida
Nacimientu	Nueva, 24 d'agostu de 1862
Nacionalidá	España
Muerte	Pría, 21 de marzu de 1911 (48 años)
Estudios
Llingües falaes	castellanu; asturianu
Oficiu	poeta, escritor
Xéneru artísticu	poesía

Amable Luis González Abín (24 d'agostu de 1862, Nueva – 21 de marzu de 1911, Pría), foi un escritor asturianu qu'escribía en llingua asturiana, autor ente otres obres de Jueyinas del mío güertín, coleición en prosa y versu n'asturianu de Llanes.

Con 14 años emigró a Cuba a instancies del so hermanu Claudio, propietariu d'un comerciu en L'Habana. A los 20 años ingresa nel Batallón nᵘ 6 de Voluntarios de L'Habana, causando baxa por cumplimientu n'ochobre de 1887. Regresa a España y entama los sos estudios nel Institutu d'Uviéu, recibiendo'l títulu de bachiller en 1891. Continúa entós los sos estudios en Madrid, y viaxa a Francia pa perfeccionar el francés. Recibe la llicenciatura en Filosofía y Lletres en 1894.

De 1896 a 1901 ye profesor de Comerciu y francés del Colexu de la Encarnación de Llanes. Támién formó parte del profesoráu del Colexu de Sta. María de Cardosu.

Ente los sos munchos trabayos tan el métodu de llectura pa Appleton & Co. de Nueva York, la reforma del Tratáu de Física Esperimental de P.Ortiz y el Compendiu Gramáticu de Bello. Collaboró en varios periódicos y revistes, n'especial con El Oriente de Asturias y El Pueblo.

Casáu con Emilia Platas Pontigo y padre de seis fíos, morrió en Piñeres de Pría (Llanes) el 21 de marzu de 1911 a los 48 años d'edá.

Amable González Abín

Referencies

Enllaces esternos