Aprendices de la Fábrica de Trubia (escultura)
La escultura urbana conocida pol nome Aprendices de la Fábrica d'Armes de Trubia, allugada na plaza Xeneral Ordóñez (Trubia), nel conceyu d'Uviéu, Principáu d'Asturies, España, ye una de les más d'un centenar qu'afaten les cais del mentáu conceyu asturianu.[1][2]
| Aprendices de la Fábrica de Trubia (escultura) | |
|---|---|
| escultura | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°20′43″N 5°58′18″W / 43.345235°N 5.971756°O |
  Aprendices de la Fábrica de Trubia (escultura) Aprendices de la Fábrica de Trubia (escultura) (Asturies) | |
| Arquiteutu/a | Félix Alonso Arena |
| Materiales | bronce |
 | |
El paisaxe urbano d'este conceyu, vese afatáu por obres escultóriques, xeneralmente monumentos conmemorativos dedicaos a personaxes d'especial relevancia nun primer momentu, y más puramente artístiques dende finales del sieglu XX.[3]
La escultura, fecha en bronce, ye obra de Félix Alonso Arena, y ta datada en 2001.[1][2]
La primer escuela de formación profesional que se abrió n'España foi la Escuela de Formación Profesional Obrera de Trubia, localidá del conceyu asturianu d'Uviéu, que s'instaló'l 7 de xineru de 1850, gracies al llabor del director Antonio de Elorza y Aguirre.[1]
Trubia foi ún de les localizaciones más importantes de la industria metalúrxico, xunto con Mieres, Llangréu y Uviéu, d'Asturies, y de la so escuela salieron tantu la base asina como los espertos de primer orde en cualquier actividá mecánica mientres munches décades.[1] Por ello, el Conceyu d'Uviéu quixo reconocer el so gran llabor, y encargó a Félix Alonso Arena esti conxuntu escultóricu, que s'inauguró en xunetu de 2001. Ye una pieza, d'unos 600 quilos, que representa un mozu aprendiz llimando una pieza que ta suxeta a la mesa de trabayu, na que se sofita'l profesor, quien ta vistíu con uniforme militar, suxetando cola so manzorga un llibru.[4][5]
Referencies editar
- ↑ 1,0 1,1 1,2 1,3 «Copia archivada». Archiváu dende l'orixinal, el 11 d'agostu de 2014. Consultáu'l 16 d'agostu de 2014.
- ↑ 2,0 2,1 http://www.esculturaurbana.com/paginas/oviedo.htm
- ↑ http://www.turismoviedo.es/
- ↑ Adolfo Casaprima, “Escultura pública de Oviedo”, editado por el Ayuntamiento de Oviedo, 2001.
- ↑ «Copia archivada». Archiváu dende l'orixinal, el 19 d'agostu de 2014. Consultáu'l 15 d'agostu de 2014.
Enllaces esternos editar
Wikimedia Commons acueye conteníu multimedia sobre Aprendices de la Fábrica de Trubia 
.
Datos: Q17518519- Multimedia: Aprendices de la Fábrica de Trubia, Oviedo
