Asamblea Nacional de la República Serbia

L'Asamblea Nacional (serbiu: Narodna Skupstina, serbiu cirílicu: Народна скупштина) ye l'órganu llexislativu de la República Srpska, una de los dos entidaes que componen l'Estáu de Bosnia y Herzegovina. Tien la so sede na ciudá de Banja Luka, y la so composición actual ye la octava dende la fundación de la entidá.

Narodna skupština
Народна скупштина
(8ª Asamblea)
Datos Xenerales
País Bosnia y Herzegovina
Creación 1991
Tipu Órganu llexislativu de la
República Srpska
Lideralgu
Presidente Igor Radojičić, SNSD
Estructura
Miembros 83
8th Assembly of the Republika Srpska.svg
Grupos representaos

     SNSD (37)
     SDS (18)
     PDP (7)
     DNS (6)
     SP (4)
     SDP (3)
     DP (2)
     SDA (2)
     NDS (2)
     SRSRS (1)

     Independientes  (1)
Sedes
Stari dom jna - narodna skustina RS.JPG
[editar datos en Wikidata]

Historia editar

L'Asamblea Nacional de la República Srpska, foi fundada'l 24 d'ochobre de 1991 como Asamblea del Pueblu Serbiu de Bosnia y Herzegovina.[1] Na primer xunta, celebrada en Sarayevu, República Federal Socialista de Yugoslavia, anunció un plebiscitu y adoptó la "Declaración de los serbios de permanecer nun estáu común de Yugoslavia",[1] sol lideralgu de Radovan Karadžić. El referendu nel que los serbios de Bosnia votaron pa permanecer en Yugoslavia tuvo llugar los díes 9 y 10 de payares de 1991.[2]

A principios de 1992, el presidente Alija Izetbegović, presidente de la República Socialista de Bosnia y Herzegovina convocó un referendu pa decidir la so independencia de Yugoslavia, que foi boicotiáu polos serbios.[3] L'Asamblea de los serbios de Bosnia, pela so parte, aprobó la Declaración sobre'l pueblu serbiu de Bosnia y Herzegovina el 9 de xineru de 1992, según la formación d'una Asamblea Constituyente, qu'aprobó la Constitución el 28 de febreru de 1992, declarando la llexitimidá de la República Serbia de Bosnia. De siguío, sobre la base del "referendu de payares", la República Serbia declaró una unidá federal dientro de la República Federal de Yugoslavia.[2] Los conflictos interétnicos provocaos por estes secesiones desaguaron na Guerra de Bosnia (1992-1995).

Mientres la guerra, por razones de seguridá, l'Asamblea Nacional camudó de see, estableciéndose en Pale. Una de les sesiones más llargues de la so historia celebró'l 5 de mayu de 1993, cuando los llexisladores aldericaron 17 hores l'aceptación del Plan Vance-Owen. En 1998, la sede alministrativa de l'Asamblea Nacional de la República Srpska foi treslladada a Banja Luka, onde permanez anguaño.

A la fin de les hostilidaes, tres la firma de los Alcuerdos de Dayton de 1995, L'Asamblea Nacional asumió la responsabilidá principal de la execución de los trataos, como órganu llexislativu encargáu de les reformes llegales nos años de posguerra.

La composición de l'Asamblea Nacional ta integrada por 83 miembros escoyíos por eleiciones parllamentaries direutes pol pueblu. Hasta 2002, los sos diputaos yeren escoyíos pa dos años, y dende 2002, acordies cola nueva llexislación, los diputaos son escoyíos por un mandatu de cuatro años.

Presidentes editar

  1. Momčilo Krajišnik (25 d'ochobre de 1991 — mayu 1996);
  2. Draguen Kalinić (mayu 1996 — 4 de payares de 1998);
  3. Petar Đokić (4 de payares de 1998 — 16 d'avientu de 2000);
  4. Draguen Kalinić (16 d'avientu de 2000 — 29 de xunu de 2004);
  5. Dušan Stojičić (20 de xunetu de 2004 — 28 de febreru de 2006);
  6. Igor Radojičić (28 de febreru de 2006 — 15 de payares de 2010);
  7. Igor Radojičić (15 de payares de 2010 - actualidá).

Referencies editar

  1. 1,0 1,1 "Народна скупштина Републике Српске свечано обиљежава 20 година рада" (на ср). Радио-телевизија Републике Српске. 24. 10. 2011. Приступљено 25. 10. 2011.
  2. 2,0 2,1 "Снимак: Свечана академија поводом 20 година од успостављања Народне скупштине Републике Српске" (на ср). Радио-телевизија Републике Српске. 24. 10. 2011. Приступљено 25. 10. 2011.
  3. Institutu del Tercer Mundu. "Guía del mundu: 1990-2000".

Enllaces esternos editar