Asturias (F-74)
La fragata Asturias (F-74), ye una fragata de l'Armada Española de la Clase Baleares, que tuvo en serviciu na armada dende 1976 hasta 2009.
| Asturias | |||
|---|---|---|---|
fragata (es)  | |||
 | |||
| Información | |||
| Fabricante | Navantia | ||
| Llugar de producción |
Empresa Nacional Bazán (es) | ||
| País de rexistru |
 España | ||
| Clase de barcu |
Clase Baleares (es) | ||
| Historia | |||
| Operadores |
| ||
| Carauterístiques | |||
| Manga | 14,3 metros | ||
| Eslora | 133,6 metros | ||
| Caláu | 7,52 metros | ||
| Velocidá | 28 kn | ||
| Potencia | 35 000 caballos de vapor | ||
| Tripulación | 253 persones | ||
| Armamentu |
1 × RUR-5 ASROC (es) 8 × AGM-84 Harpoon 2 × Meroka (es) 2 × M2 Browning 16 × RIM-66 Standard (es) | ||
 | |||
Desarrollu del proyeutu
editarA finales de los años 60, l'Armada española dispunxo por fin d'unos presupuestos daqué más desafogaos, que-y dexaron entamar la construcción de nuevos buques. Arriendes de estes disposiciones, redactóse un Plan Naval, que, na so primer fase, prevía la construcción de los primeros escoltes lanzamisiles de l'Armada.
Primeramente, camentóse en buques de teunoloxía británica, en concretu de la clase Leander, siguiendo l'enclín establecíu nos años 20 y 30 de construyir n'España buques de diseñu británicu, afaciéndolos a les necesidaes de l'Armada. Sicasí, el gobiernu llaborista de la dómina nun vía con bonos güeyos al réxime de Franco, polo que vetó la operación.
Énte esta tesitura, l'Armada volvió les sos mires al otru llau del Atlánticu, estableciendo contactos cola US Navy pa escoyer un proyeutu que se permitiera la construcción de la nueva clase d'escoltes.
Finalmente, decidió utilizase como base del proyeutu les fragates antisubmarines clase Knox. Sicasí, los requerimientos españoles yeren distintos d'Estaos Xuníos, una y bones l'Armada precisaba un buque con capacidá multipropósitu en cuenta d'un buque puramente antisubmarinu. Por esta razón, decidió desaniciase l'hangar y amenorgar al mínimu la plataforma de vuelu para un helicópteru llixeru de les Knox y asítiase nel so llugar un llanzador de misiles antiaéreos de zona Standard SM-1 MR. Tamién decidió instalase montaxes cuádruples de misiles antisuperficie Harpoon y montóse un radar tridimensional aereu AN/SPS-52B, para aumentar la capacidá de detección d'aeronaves.
Gracies a estos cambeos, l'Armada llogró a un costu moderáu un buque con gran capacidá antiaérea, antisubmarina y antisuperficie, especialmente tres la modernización de finales de los años 80, na cual instaláronse un par de montaxes de defensa puntual Meroka y ameyoróse la electrónica y el sistema de combate. La única pega que se-yos pueda poner ye la debilidá del so sistema de propulsión y la imposibilidá d'operar con helicópteros, sacantes los pequeños Hughes 369 ASW, los únicos de l'Armada que podíen operar na so amenorgada cubierta de vuelu, anque al nun cuntar con un hangar tratábase d'aeronaves destacaes temporalmente dende otros buques, cuantimás el Dédalu (R-01).
Historial
editar_with_spanish_warships.jpg)
El buque foi botáu'l 13 de mayu de 1972 y foi dau d'alta na armada'l 2 d'avientu de 1975.
Dende payares de 1978, intégrase nel grupu d'escolta del Dédalu, colos que participó nos exercicios ARDEX-78, consistentes nun asaltu anfibiu a la sablera de Carboneres.[1]
En xineru de 1980, escoltada pol destructor Almirante Valdés, treslladó dende Roma a Cartaxena los restos mortales d'Alfonsu XIII.[2]
En 1987, el príncipe d'Asturies, Felipe de Borbón y Grecia, realizó a bordu les sos práutiques como Guardiamarina dientro de la so formación militar.[3]
Foi'l primer buque de l'Armada Española n'integrase nuna fuercia naval permanente de la OTAN, ente los meses de mayu y xunetu de 1990[4]
En 1991, patrulló nel Mar Roxu mientres la primer guerra del Golfu y a partir de 1993, participó nes operaciones d'embargu marítimu sobro Serbia y Montenegru.[4][4][5] Nel añu 2003, participó na operación Active Endeavour na que dio escolta a buques nel Estrechu de Xibraltar[4]
N'abril de 2005, participó nos exercicios 'Ninfa 2005' al pie de la francesa llixera Xerminal (F 735), de clase Floreal, y les portugueses NRP Alvares Cabral (F 331), de la clase Vasco da Gama y NRP Sacadura Cabral (F 483), de clase João Belo[6]
Dende la esplosión d'una caldera de la fragata de la so mesma clase, Extremadura (F-75) n'avientu de 2005, que provocó la muerte d'un cabu 1º y un marineru, permaneció n'actividá acutada, ensin práuticamente salir a navegar, anque siguiera perteneciendo a la 31ª Escuadrilla d'Escoltes xunto coles modernes fragates de la clase Álvaro de Bazán, hasta que se vio escluyida de la LOBA de 2009 a pesar de tar d'entá d'alta, finalmente, foi dada de baxa'l 30 de xunu de 2009 dempués de navegar en trés décades unes 565.399 milles en 3.835 díes de mar.[7][8][9][4][3]
Delles ciudaes manifestaron el so interés por utilizar el buque como muséu, y un numberosu grupu d'amigos del mar y antiguos miembros de la dotación de la fragata Asturias, formaron un grupu en Facebook para sofitar diches iniciatives.[10][11][12] El 29 de xineru de 2010 celebróse l'asamblea constituyente de l'Asociación Pro-Muséu Fragata Asturias.[13]
Sicasí, en 2016 el buque foi finalmente puyáu para'l so esguace y axudicáu al pie de la Extremadura la empresa de Lorquí (Murcia) Esguaces París por 1,5 millones d'Euros, que decidió dar en el so esguace en Turquía.[14]
Ver tamién
editarBuques de la clase
editarBuques similares
editarReferencies
editar- ↑ «Fundación fragata extremadura». Archiváu dende l'orixinal, el 22 d'abril de 2009.
- ↑ ABC 21 de xineru de 2010 Alfonso XIII: Les semeyes del regresu
- ↑ 3,0 3,1 «adn: Defensa retira hoy la fragata "Asturias" tres 34 años de servicio». Archiváu dende l'orixinal, el 21 d'abril de 2017.
- ↑ 4,0 4,1 4,2 4,3 4,4 «La Armada da de baja a la fragata ´Asturias´ y el patrullero ´Descubierta´». infodefensa. Consultáu'l 2 de xunetu de 2008.
- ↑ «El país: La fragata 'Asturias' releva a la 'Baleares' en el embargo a la ex Yugoslavia».
- ↑ «Concluyen ejercicios 'Ninfa 2005' con intervención naval española». Archiváu dende l'orixinal, el 21 d'abril de 2017.
- ↑ «Una explosión a bordo de la fragata «Extremadura» provoca la muerte a dos miembros de la dotación». 19 d'avientu. Consultáu'l 26 de marzu de 2008.
- ↑ «La Armada establece la 'operatividad restringida' de la fragata 'Asturias' para 'evitar riesgos innecesarios'». Archiváu dende l'orixinal, el 21 d'abril de 2017.
- ↑ «LOBA en la web de la armada española».
- ↑ «Gijón opta a acoger la fragata 'Asturias' para convertirla en un museo naval».
- ↑ «ASIA reclama que la fragata 'Asturias' se quede en Avilés».
- ↑ «"QUIERO SER UNA FRAGATA MUSEO DE LA ARMADA"».
- ↑ «Asociacion Pro-Museo Fragata Asturias». Archiváu dende l'orixinal, el 7 de setiembre de 2011.
- ↑ «Desguaces París ya tiene su propia 'Armada'». www.laverdad.es (18 de xunu de 2016).
Enllaces esternos
editar
Wikimedia Commons acueye conteníu multimedia sobre Asturias.
Datos: Q5710091- Multimedia: Asturias (F-74)
