Ateísmu

(Redirixío dende Atéu)
Wikipedia:Wikipedia:Llista d'artículos que toa Wikipedia tien que tener/Archivu

L'ateísmu ye, nun sentíu ampliu, la non creencia en dioses, deidaes o otros seres sobrenaturales. Nun sentíu más estrictu, l'ateísmu ye la posición que sostién la inesistencia de deidaes. Dalgunos defínenlo como una doctrina o posición que refuga'l teísmu, que na so forma más xeneral ye la creencia na esistencia de, siquier, una deidá o dios.

Atheismsymbol endorsed by AAI.svg
Irreligion map.png
αθεοι pallabra griega (atheoi), tal como apaez na Epístola a los Efesios (2:12) nos primeros Papiros del sieglu terceru. En xeneral, traducida como "los ensin Dios"

Nun sentíu ampliu podría incluyise dientro de la definición d'ateísmu, tantu les persones atees, quienes espliciten la non-esistencia de dioses, como aquelles que, ensin creer na so esistencia, nun tienen evidencia nin convencimientu pal so refutación. Nun sentíu estrictu esclúyense a estos postreros, denominaos agnósticos, de la definición d'ateos. Los agnósticos refuguen reconocese como ateos o ateístes yá que consideren inaccesible al entendimientu humanu toa conocencia de lo divino y de lo que tresciende la esperiencia o a cencielles irrelevante.