Atolón d'Ailuk

Ailuk (en marxalés Aelok, [ɑ̯ɑ͡æe̯elʲe͡okʷ] ) ye un atolón de 57 islles y castros nel Océanu Pacíficu, y forma parte de la cadena Ratak nes Islles Márxal. Allúgase aproximao a 72 km al norte del atolón de Wotje. La superficie terrestre total ye de namás 5,4 km² pero enzarra una llaguna con un área de 177 km². Les mayores islles y castros son: Ajeleb, Aliej, Ailuk, Alkilwe, Barorkan, Biken, Enejabrok, Enejelar, Kapen y Marib, tando la mayoría d'ellos asitiaos na fastera este del atolón. Les fasteres sur y oeste son un pitón de coral merguyáu cuasi de contino, con tres canales principales qu'empobinen a la llaguna: Erappu, Marok y Eneneman.

Atolón d'Ailuk
Situación
Protectoráu	Nueva Guinea Alemana
País	Islles Márxal
Tipu	atolón
Parte de	Cadena Ratak
Asitiáu en	Océanu Pacíficu
Coordenaes	10°19′N 169°56′E
Atolón d'Ailuk Atolón d'Ailuk (Islles Márxal)
Datos
Altitú media	3 m
Superficie	5,4 km²
Población	513 (1999)

Nel añu 2006 l'atolón d'Ailuk tenía una población averada a los 500 hab.

Historia

El primer avistamientu del atolón por europeos féxolu la espedición española de Miguel López de Legazpi el 10 de xineru de 1565. Apellidáronlu Los Placeres y, dos de los castros, San Pedro y San Pablo, que yeren los nomes del buque insignia y del barcu del almirante.

L'atolón d'Ailuk foi reclamáu pol Imperiu d'Alemaña xunto col restu de les Islles Márxal en 1884, y los alemanes establecieron un puestu avanzáu comercial. Depués de la Primer Guerra Mundial, la islla quedó baxo'l Mandatu del Pacíficu Sur del Imperiu de Xapón. Tres el final de la Segunda Guerra Mundial quedó baxo'l control de los Estaos Xuníos como parte del Territoriu en fideicomisu de les Islles del Pacíficu dica la independencia de les Islles Márxal en 1986.

Educación

Hai dos Escueles d'Educación Primaria, n'Ailuk y Enejelar.

Enllaces esternos

• Wikimedia Commons acueye conteníu multimedia sobre Atolón d'Ailuk.

• Datos: Q405378
• Multimedia: Ailuk Atoll