Atolón de Rongerik
Rongerik o Rongdrik (en marxalés Ron̄dik [rʷɔŋʷ(o͡e)r̪ʲi͡ɯk]) ye un atolón coralín de 17 islles nel Océanu Pacíficu allugáu na cadena Ralik de les Islles Márxal. Tien una superficie terrestre de 1,68 km² enzarrando una llaguna de 144 km². L’atolón más cercanu ye’l de Bikini, a 200 km.
 Atolón de Rongerik | |
|---|---|
 | |
| Alministración | |
| Protectoráu |  Nueva Guinea Alemana |
| País |  Islles Márxal |
| Tipu d'entidá | atolón |
| Xeografía | |
| Coordenaes | 11°20′N 167°27′E / 11.33°N 167.45°E |
  Atolón de Rongerik Atolón de Rongerik (Islles Márxal)  | |
| Superficie | 1.68 km² |
| Altitú | 3 m |
| Más información | |
| Estaya horaria | UTC+12:00 |
 | |
Historia
editarDellos autores suxeren qu'esti atolón foi descubiertu pol esplorador español Fernando de Grijalva en 1537. Por esti motivu, especulóse que l'atolón podría ser de soberanía española, anque en 2014, el gobiernu español esclarió la situación: dende’l Tratáu Xermanu-Español, de 1899, nunca foron de soberanía española[1].
L'Imperiu d'Alemaña atropó Rongerik xunto col restu de les Islles Márxal en 1884, estableciendo nél un puestu comercial. Depués de la Primer Guerra Mundial, la islla convirtióse nuna parte del Imperiu de Xapón y foi sede de l'alministración xaponesa sobre les Islles Márxal. Depués de la Segunda Guerra Mundial, Estaos Xuníos tomó'l so control como parte del Territoriu en fideicomisu de les islles del Pacíficu dica la independencia de les Islles Márxal en 1986.
Ensayos nucleares
editarNa primavera de 1946, los nativos del atolón de Bikini foron evacuaos pol gobiernu d'EE. XX. al atolón Rongerik. El motivu foron los ensayos nucleares en Bikini na llamada Operación Crossroads. Anque a estos residentes bikinianos en Rongedrik se-yos llevó suministros, afírmase que dellos comenzaron a morrer d'inanición. Asina, en payares de 1947, un grupu de bikinianos empobinó al atolón Ujelang. Sicasí, poco más tarde, el gobiernu d'EE.UU decidió utilizar l'atolón Enewetak como otra área de nuevos ensayos nucleares. Como Enewetak taba tamién pobláu, consideró deportalos a Ujelang, lo que torgó’l movimientu bikinianu.
En 1948 los bikinianos asentáronse en Kili. Esta islla, a estremancia d'un atolón, nun tien llaguna lo que fizo camudar el mou de vida tradicional de les persones y depender de l'ayuda esterna. Ésta llegaba pel aire por aviones y por barcu.
En 1954 la bomba Bravo en Bikini afectó radioactivamente a Rongerik.
En 1968 el gobiernu norteamericanu prometió finalmente'l regresu al atolón, comenzando col so remocicamientu y plantación de cocotales. Pasu ente pasu foron aportando habitantes, anque se fizo patente la so inhabitabilidá. Tanto l'agua como los cocos inda teníen concentraciones de radiación.
En 1978 tolos residentes abandonaron nuevamente l'atolón.
Referencies
editarEnllaces esternos
editar
Wikimedia Commons acueye conteníu multimedia sobre Atolón de Rongerik.
Datos: Q697826- Multimedia: Rongerik Atoll
