Aurelio del Llano

Aurelio Del Llano Roza De Ampudia (Conceyu de Caravia (19 de marzu de 1868 – 2 de payares de 1936, Madrid). Escritor y etnografu asturianu.

Aurelio del Llano
Vida
Nacimientu	19 de marzu de 1868
Nacionalidá	España
Muerte	Madrid, 2 de payares de 1936 (68 años)
Estudios
Llingües falaes	castellanu
Oficiu	escritor, arqueólogu

Biografía

Estudia en Mieres del Camín inxeniería de mines y fábriques metalúrxiques. Dende ceo entama a trabayar en diferentes zones industriales d'Asturies. Demientres esti tiempu medra la so afición pola cultura asturiano y pola hestoria d'esti pueblu. Tres dellos años d'estudiu entama a espoxigar el so asturianismu, ye nesta cabera etapa cuandu emtama a escribir pequeñes collaboraciones na prensa carbayona que finaron cola publicación del llibru «Hogar y Patria».

Dende'l añu 1905 al 1908 collabora nel diariu El Carbayón d'Uviéu. Tres estos años so gran interés pola hestoria d'Asturies, xunida al so trabayu d'inxenieru, lleven-y en 1916 a entamar delles cavadures na zona de Samiguel de Lliño que lléva-y a reconstruir el trazáu de la ilesia orixinal anterior al templu de Samiguel. Como resultáu d'estes investigaciones publica so llibru «La Iglesia de San Miguel de Lillo», nel que recoye tolos estudios ya investigaciones llevaes a cabu demientres la escavación de la ilesia. Esti llibru ye recibíu con gran interés por sos contemporáneos, fechu que-y anima a entamar un proyeutu mui naguao por él y tamién llargu tiempu camentáu que ye'l «El Libro de Caravia», llibru que recueye la hestoria y la etnografia del so conceyu de ñacencia. Demientres esti tiempu dedicase al estudiu de los xacimientos del Picu'l Cuetu, escavación que foi realizada por él años atrás. Nesti llibru amuesen les primeres investigaciones de los castros d'Asturies.

En 1922, tres un intensu estudiu de la etnografía asturiana, edita una de les obres más completes que hai acerca d'esti tema: «Del folklore asturiano: mitos, supersticiones, costumbres». Llibru cume nel so estudiu de les costumes y mitoloxies asturianes.

Dende'l añu 1922 al 1927 edita, aida ya investiga en diferentes aspeutos de la cultura y etnografía d'Asturies, mitoloxía y vezos. En 1927 inicia un periodu de siete años hasta 1934 nos que nun publica res. Tres estos años en 1934 edita una crónica de calter documental basáu na revolución d'ochobre del 34.

Muerre en Madrid al pocu d'entamar la Guerra Civil española, siendo el precursor de los estudiosos que vendrien más tarde nel estudiu de la cultura d'antaño asturiana, asina como ún de los mayores estudiosos de la etnografía cultural d'Asturies.

Por toos estos fechos en vida foi gallardoniáu con diferentes reconocimientos y distinciones asina como delles distinciones tantu nel estáu español como nel extranxeru.

Obres

• «Hogar y Patria»
• «Casas para los obreros» (1906)
• «La Iglesia de San Miguel de Lillo»
• «El Libro de Caravia » (1919)
• «Dialeutos jergales asturianos» (1921)
• «Del folklore asturiano: mitos, supersticiones, costumbres» (1922)
• «Esfoyaza de cantares asturianos recogidos direutamente de boca del pueblo» (1924)
• «Cuentos asturianos recogidos de la tradición oral» (1924), esti llibru nun ye completu d'él pero tien grandes aportaciones pola so parte.
• «Vocabulario de la tixileira» (1924)
• «Bellezas de Asturias de Oriente a Occidente» (1927)
• «Pequeños anales de quince días»

Enllaces esternos

• Archivu hestoricu d'Asturies
• Periódicu El Carbayón

• Datos: Q11203378
• Multimedia: Aurelio del Llano