Avance

Avance foi un periódicu editáu n'Uviéu a partir del 15 de payares de 1931, y al que-y daba puxu'l Sindicatu d'Obreros Mineros d'Asturies, (SOMA). El so primer direutor foi Antonio Ortega, un republicanu; como redactor xefe Ignacio Lavilla, un independiente d'izquierdes, y como alministrador Amador Fernández, socialista.

Avance
Datos
Tipu	periódicu
Idioma	castellanu
Estáu	España

Nos primeros tiempos nun yera un diariu especialmente combativu, lo que provocaría les protestes del Sindicatu, llegando a cambiar de direutor, pasando a ser Juan Antonio Suárez. Pero'l verdaderu cambéu vendría de la mano de Javier Bueno, un periodista madrilán que-y daría un conteníu más combativu y que tomaría la direición del periódicu a partir del 1 de xunetu de 1933.

Esi tonu de llucha que-y aporta Javier Bueno diría algamando más puxu hasta la Revolución d'Ochobre de 1934, que sería afalada dende les sos páxines. Suspendíu depués de la Revolución, tornaría a la cai a partir del añu 1936, obligando'l llevantamientu del Coronel Aranda, n'Uviéu al entamu de la Guerra Civil Española, a treslladar la so redaición a Xixón, onde utilizaría la imprenta d'El Comercio.

Nel diariu Avance collaboraríen redactores como los citados Javier Bueno y Ignacio Lavilla y tamién otros como Ovidio Gondi (Ovidio González Díaz), Juan Antonio Cabezas y como artista gráficu Goico Aguirre.

Avance sacaría l'últimu númberu'l día 20 d'ochobre de 1937, coincidiendo col final de la Guerra Civil n'Asturies.

Enllaces esternos

• Datos: Q8210111