Aziliense

Aziliense
	cultura arqueolóxica

L'Aziliense ye la tradición cultural anterior a la llegada del Neolíticu a la fastiella cantábrica de la Península Ibérica.

Los yacimientos más representativos d'esti horizonte cultural son:

Per tol cantábricu alcuéntrense grupos con una economía d'ampliu espectru mui desendolcada.

La caza céntrase nel ciervu y el xabalí o gochu xabaz lo que indica un avance de les viesques per tol territoriu.

La pesca desendólcase como actividá estacional, el salmón sería una de les especies de mayor importancia. Les téuniques de secáu y afumáu permitiríen conservar abondes cantidaes de pescáu pa los meses d'escasez ivernal. El consumu de moluscos y equinodermos costeros aumentará la so relevancia na dieta centrándose en moxones y oricios

No tocante a la recoyeta, los frutos secos tuvieron gran importancia na dieta, anque esti estremu nun pue ser confirmáu ya que falten testimonios direutos.

Hai más datos de presencia humana na zona costera que na interior.

Al norte de Lleón llocalizáronse dalgunos yacimientos cavernarios con presencia epipaleolítica bastante temprana.

Estos grupos azilienses crearon les condicioones soioeconómiques dominantes hasta finales del V mileniu.

La so industria ye probe, los arpones nun pasen de ser pequeñes astilles, lo mesmu que los buriles y los raspdores. Pero lo que a simple vista podría paecer un retrocesu cultural productu de simpleza mental, escuende un criteriu racional na fabricación de les industries. Lo que pretendien al crear estos útiles yera algamar ferramientes práutiques y lo cierto ye que pasie a lo tosco del so fináu l'oxetivu propuestu superábase con creces, nun podemos confundir por tanto lo cenciello colo simple. En resume, na industria aziliense prima lo qu'en Prehistoria nómase "El criteriu racional de la téunica epipaleolítica""

Referencies