Baillarín
El baillarín o baillarina[1] ye la persona que se dedica al arte de baillar non solo profesionalmente, sinón tamién como afición. Disciplina, constancia, pasión y valores éticos definen el so apurra social al traviés de la so vocación. Considerando que cada baillarín tien un talentu que desenvuelve al traviés del entrenamientu y la so apropiada formación que potencializa les diverses aptitúes.
| Baillarín | |
|---|---|
| profesión y ocupación | |
performer y dancers and choreographers (en)  | |
 | |
 |
L'entrenamientu tanto físicu como mental del futuru baillarín va depender del tipu de danza escoyíu. Hai programes universitarios y d'escueles acomuñaes a compañíes profesionales de danza pa la formación especializada. Tamién hai pequeñes academies de propiedá privada, ónde los estudiantes pueden formase nuna variedá d'estilos de danza, como formes de danza competitiva (por casu, baille llatín, jazz, baille de salón, hip-hop, funky, break dance, etc), según étnicu y folclóricu.
La formación nun conservatoriu profesional de danza dura unos 10 años.[2][3] Los alumnos d'estos centros son escoyíos nuna prueba d'accesu na que se tienen en cuenta les sos condiciones físiques. De normal esta prueba realízase en redol a los 8 años d'edá.[4] Nos conservatorios l'entrenamientu suel ser diariu y les disciplines que s'imparten pueden ser: danza clásica (o académica), danza contemporánea, dances tradicionales (por casu danza española), música, anatomía, téunica de puntes, repertoriu, maquillaxe, clases de pasu a dos, etc.[5]
Los baillarinos profesionales suelen ser emplegaos por contratu. La vida profesional d'un baillarín ye polo xeneral un constante cambéu de les situaciones de trabayu, la presión d'una fuerte competencia y los baxos salarios.[6] De cutiu, aquellos baillarinos que nun trabayen pa una compañía grande, tienen que complementar los sos ingresos, yá seya nos papeles rellacionaos cola danza (por casu, la enseñanza de la danza, los entrenadores deportivos de baille, yoga) o la instrucción de Pilates pa llograr la estabilidá financiera.
Ver tamién
editarReferencies
editar- ↑ Esti términu apaez nel Diccionariu de l'Academia de la Llingua Asturiana. Ver: baillarín, -ina
- ↑ Conservatoriu en Madrid
- ↑ Conservatoriu de Zaragoza
- ↑ Conservatoriu de Murcia
- ↑ «Conservatoriu de Valencia». Archiváu dende l'orixinal, el 2016-06-24.
- ↑ Sobre Sergei Polunin, primer baillarín del Royal Opera House qu'arrenunció al so puestu de trabayu por cuenta de la presión.
