Catalán balear

Denomínase balear o catalán balear a la familia de dialeutos del catalán que se falen nes Islles Baleares. Los subdialeutos que lu formen son el mallorquín (mallorquí) en Mallorca, el menorquín (menorquí) na islla de Menorca, y l'ibicenco (eivissenc) nes Pitiuses (Illes Pitiuses) formaes per Eivissa y Formentera.

Antecendentes

La llingua catalana foi portada por habitantes provenientes del Rosellón y el Empordà nos tiempos de la conquista de Mallorca, pola cual, caltiénense carauterístiques dialeutales emparentaes con variantes de diches zones. Sicasí, el fechu de que l'archipiélagu balear, pola so posición estratéxica nel Mediterraneu, se convirtiera'n centru comercial y en ponte de la espansión catalano-aragonesa, collaboró con préstamos léxicos tomaos d'otros idiomes, como'l francés, l'italianu, el provenzal y el griegu. Per otru llau, el dominiu británicu del sieglu XVIII sobre Menorca, introdució delles pallabres d'orixe inglés como: “xoc” (“chalk”: “tiza”), “escrú” (“screw”: “torniellu”), etc.^[1]

En delles obres antigües considérase al balear como llingua independiente y non variante del catalán^[2]^[3]^[4]^[5]

Variedaes

Esisten dialeutos dientro del catalán balear, recoyíos dientro del siguiente cuadru que los enmarca dientro del bloque dialeutal oriental del catalán.

Carauterístiques

La modalidá balear tien les carauterístiques xenerales d'esti bloque dialeutal y éstes son distintos en función del subdialeutu correspondiente. Sicasí, les más comunes son:

Fonética:
- Nes combinaciones de verbu+pronome átonu, l'acentu prosódicu recái nesti últimu elementu, sacante en ibicenco. Por casu, mercar-ne tendría "-ne" como sílaba tónica.
- Les pallabres esdrúxules, en partes de la islla de Mallorca, acabaes en -ia pierden la "a". Por casu, glòria pronunciaríase glòri.
- Yodización tradicional. Ausencia de yeísmu sacante nos falantes más acastellanaos.
- Distinción de v y b, pronunciándose [v] la primera y [b] la segunda.
- Elisión sistemática de -r final de pallabra (en Cataluña ye solo parcial).^[6]
- Perda de la ll ente vocales. Por casu, collir pronunciaríase como coir, o ulleres como ueres.

Morfosintaxis:
- Usu xeneral del artículu saláu, quitando'l pueblu de Pollença. La so forma xeneral ye es/sa, es/ses y s delantre de vocal o hache, pero según el subdialeutu puede adoptar tamién les formes so (masc. sing.) o ets (masc. plural). Los ámbitos d'usu del artículu saláu y del artículu normal (el/la, els/les, l ) dependen tamién del subdialeutu. Anque polo xeneral, úsase l'artículu normal delantre de pallabres que se consideren úniques, como Cielu (paraísu en relixón), Demoniu, mar... y delantre de les hores. Por casu, es cel refierse al firmamentu y el Cel refierse al paraísu onde van los finaos si lo merecen.
- Usu del artículu personal en/na, n' delantre de nomes propios de persona.
- Morfema cero na primer persona del singular del presente d'indicativu. Por casu, lo qu'en catalán central sería jo canto (yo canto) dizse "jo cant".
- Nos verbos de la primer conxugación (acabaos en -ar), les formes del plural de primera y segunda persona fáense con -am, -au. Por casu, cantam (cantamos), cantau (cantáis).
- Nos verbos de la primer conxugación (acabaos en -ar), el pretéritu imperfectu de suxuntivu faise con -a-, esto ye, cantàs, cantassis... Anque anguaño estendióse tamién les formes catalanes con e y en munchos sitios usen dambes con normalidá.
- Na combinación de dos o más pronomes átonos precediendo a una forma verbal, si unu ye de complementu direutu (CD) y tien la forma el, la, etc. y otru ye de complementu indireutu (CI), y tien la forma me, te, etc., apaez primero'l pronome de CD. Exemplos: la me dóna (dámela), el se menja (cómelu).
Léxicu:
- Gran cantidá de léxicu propiu, sobremanera arcaísmos calteníos pol aislamientu de les islles y les distintes influencies llingüístiques que les bañaron. El léxicu varia abondo dependiendo del subdialeutu. Exemplos: a el·lot por noi (mozu), moix por gat (gatu), besada por petó (besu), "ca" por "gos" (perru) o "aguarón-pinyada" por "rat-penat" (esperteyu).

Referencies

↑ Cerdá Massó, R. (1991). www.canalsocial.ne (ed.): «Mallorquín». Archiváu dende l'orixinal, el 2013-10-15. Consultáu'l 16 de payares de 2009.
↑ El Balear tien gramática y diccionarios dende 1835 (Juan José Amengual, Juan Fiol, Julio Soler).
↑ El Balear foi consideráu idioma pola Real Academia de les Bones Lletres de Barcelona en 1840 y pola Real Academia Española de la Llingua en 1928 (amás, foi nomáu D. Llorens Riber miembru d'ésta última en representación de la Llingua Mallorquino y Balear.
↑ Enciclopedia Universal Ilustrada, tomu XXI páxina 43: "...coles mesmes, les maneres de falar usaos n'España... habiendo les modalidaes galaica, portuguesa, asturiana, lleonesa, catalana, valenciana, murciana, baleáricu y castellán".
↑ Gran Enciclopedia Rialp, tomo XIV páxina 835: "el Balear es una de las lenguas más arcaizantes de toda la romanía".
↑ Lexicon der Romanistischen Liguistik – 1991, tomo V, páxina 139: "nos nomes y nos monosílabos, la "erre" final románica sume en Balear, acentuándose dicha desapaición"

Bibliografía

A. M. Badia i Margarit: Gramàtica Històrica Catalana, Biblioteca d'Estudis i Investigacions, 1984. ISBN 84-7502-111-5.

Enllaces esternos

Llengo viva / Llengua viva
Dia Internacional de sa llengo materna
Gabriel Alomar Esteve: En defensa dels dialectes mallorquí, menorquí, eivissenc

[1] Cerdá Massó, R. (1991). www.canalsocial.ne (ed.): «Mallorquín». Archiváu dende l'orixinal, el 2013-10-15. Consultáu'l 16 de payares de 2009.

[2] El Balear tien gramática y diccionarios dende 1835 (Juan José Amengual, Juan Fiol, Julio Soler).

[3] El Balear foi consideráu idioma pola Real Academia de les Bones Lletres de Barcelona en 1840 y pola Real Academia Española de la Llingua en 1928 (amás, foi nomáu D. Llorens Riber miembru d'ésta última en representación de la Llingua Mallorquino y Balear.

[4] Enciclopedia Universal Ilustrada, tomu XXI páxina 43: "...coles mesmes, les maneres de falar usaos n'España... habiendo les modalidaes galaica, portuguesa, asturiana, lleonesa, catalana, valenciana, murciana, baleáricu y castellán".

[5] Gran Enciclopedia Rialp, tomo XIV páxina 835: "el Balear es una de las lenguas más arcaizantes de toda la romanía".

[6] Lexicon der Romanistischen Liguistik – 1991, tomo V, páxina 139: "nos nomes y nos monosílabos, la "erre" final románica sume en Balear, acentuándose dicha desapaición"

[1]

[2]

[3]

[4]

[5]

[6]